കൊച്ചി: മലയാളി സംരംഭകന്റെ ടൂറിസം കമ്പനിക്ക് ഹിമാചൽ പ്രദേശ് ടൂറിസം വകുപ്പിന്റെ അംഗീകാരം. കൊച്ചി കടവന്ത്ര ആസ്ഥാനമായി പ്രവർത്തിക്കുന്ന സീസണൽ ട്രിപ്പ് എന്ന വിനോദ സഞ്ചാര കമ്പനിക്കാണ് ഹിമാചൽപ്രദേശ് സംസ്ഥാന ടൂറിസം വകുപ്പിന്റെ അംഗീകൃത ടൂറിസം ഏജന്റ് എന്ന പദവി കൈവരിച്ചത്. ഈ അംഗീകാരം നേടിയിരിക്കുന്ന ദക്ഷിണേന്ത്യയിലെ ആദ്യ കമ്പനികൂടിയാണ് സീസണൽ ട്രിപ്പ്.
ഈ പദവി ലഭിച്ചതിലൂടെ ഹിമാചൽപ്രദേശ് സന്ദർശിക്കാൻ ആഗ്രഹിച്ചെത്തുന്ന ഓരോ സഞ്ചാരിക്കും മികച്ച സേവനം ലഭ്യമാക്കാൻ സാധിക്കുമെന്ന് കമ്പനി ഉടമ സാം ശ്രീധരൻ പറഞ്ഞു. വിനോദ സഞ്ചാരികളുടെ ഇഷ്ട വിനോദ കേന്ദ്രങ്ങളായ ഷിംല, കുളു-മണാലി, ധർമ്മശാല, ഡൽഹൗസി, സ്പിതി തുടങ്ങിയ സ്ഥലങ്ങളിലെ ടൂറിസം വകുപ്പിന് കീഴിലുള്ള മുഴുവൻ ഹോട്ടലുകളിലും വാഹനങ്ങളിലും കുറഞ്ഞ നിരക്കിൽ ബുക്കിംഗ് ഉൾപ്പെടെയുള്ള എല്ലാ സേവനങ്ങൾക്കും മുൻഗണന ലഭിക്കാനും ഈ സേവനത്തിലൂടെ കഴിയും.
2011 -ൽ സീസണൽ ട്രിപ്പ് പ്രവർത്തനം ആരംഭിച്ചത് മുതൽ ഹിമാചൽ പ്രദേശിന് കൂടുതൽ ഊന്നൽ നൽകിയുള്ള ട്രിപ്പുകളാണ് ഡിസൈൻ ചെയ്തത്. ഹിമാചൽപ്രദേശ് ടൂറിസത്തിന് നൽകിയ പിന്തുണ, മികച്ച സേവനം, ഇടപാടുകാരുടെ സംതൃപ്തി എന്നിവയാണ് അംഗീകൃത ടൂറിസം ഏജന്റ് പദവി നേടിയെടുക്കാൻ സീസണൽ ട്രിപ്പിനെ പ്രാപ്തമാക്കിയതെന്ന് സാം ശ്രീധരൻ വെളിപ്പെടുത്തി.
