കാലത്തിനും കാഴ്പ്പാടിനും അനുസരിച്ച് സ്മാർട്ട് ഫോണുകൾ അപ്ഡേറ്റ് ആകുന്നതോടെ അവയുടെ ക്യാമറ കണ്ണുകൾക്കും വലിയ മാറ്റങ്ങൾ വന്നു. മികച്ച ക്യാമറ ക്വാളിറ്റിയാണ് മിക്ക സ്മാർട്ട് ഫോണുകളും മുന്നോട്ട് വെയ്ക്കുന്നത്. സാംസങ്ങിന്റെ പ്രീമിയം നിരയിലെ ഏറ്റവും മുന്തിയ സ്മാർട്ട്ഫോണായ സാംസങ്ങ് ഗാലക്സി എസ്23 അൾട്രയിലെ ഏറ്റവും ആകർഷക ഘടകം ഇതിലെ ക്യാമറയാണ്. 200 മെഗാപിക്സൽ സാംസങ്ങ് ഐസോസെൽ എച്ച്പി2 സെൻസർ ആണ് ഗാലക്സി എസ്23 അൾട്രയിൽ സാംസങ്ങ് അവതരിപ്പിച്ചിരിക്കുന്നത്.
എന്നാൽ ഇതിനെ വെല്ലുന്ന ക്യാമറ സെൻസറുകളാണ് സാംസങ്ങ് അവതരിപ്പിക്കാനൊരുങ്ങുന്നത്. 1.6 മൈക്രോൺ പിക്സലിലുള്ള 50MP ISOCELL GN6 സെൻസർ, 0.7 മൈക്രോൺ പിക്സലുകളുള്ള 200MP HP7 സെൻസർ, പേരിടാത്ത 320MP സെൻസർ, 440MP HU1 സെൻസർ എന്നിങ്ങനെ നാല് സെൻസർ ക്യാമറകളാണ് സാംസങ് ഇത്തവണ അവതരിപ്പിക്കുന്നത്.
മനുഷ്യരുടെ കണ്ണിന് തുല്യമായ റെസല്യൂഷൻ ഉള്ള ക്യാമറയാണ് ഇതിൽ ഉപയോഗിച്ചിട്ടുള്ളത്. അതായത് 500 MP മുതൽ 600MP വരെ റെസല്യൂഷനുള്ള ഒരു ക്യാമറ നിർമ്മിക്കുകയെന്നത് തങ്ങളുടെ ലക്ഷ്യമാണെന്ന് സാംസങ്ങ് നേരത്തെ പ്രഖ്യാപിച്ചിരുന്നു. ഈ ലക്ഷ്യത്തിലേക്കുള്ള സാംസങ്ങിന്റെ യാത്രയുടെ ആദ്യ ചുവടുവെയ്പാകാം 440MP HU1 സെൻസർ.
Comments