ഡബ്ലിന്‍: സൂപ്പര്‍ സ്റ്റാര്‍ രജനികാന്തിന്‍റെ ജയിലർ ബോക്‌സ് ഓഫീസില്‍ 500 കോടിയിലധികം നേടി കുതിക്കുകയാണ്. ഇപ്പോഴിതാ ജയിലറിന്‍റെ പ്രദര്‍ശനത്തില്‍ പ്രത്യേക അതിഥിയായി പങ്കെടുത്തിരിക്കുകയാണ് മലയാളി ക്രിക്കറ്റ് താരം സഞ്ജു സാംസണ്. തലൈവരുടെ കടുത്ത ആരാധകൻ കൂടിയാണ് താനെന്ന് നിരവധി തവണ സഞ്ജു സാംസണ് വ്യക്തമാക്കിയിട്ടുണ്ട്.
അയര്‍ലന്‍ഡിനെതിരായ ട്വന്‍റി 20 പരമ്പരയ്‌ക്കായി എത്തിയപ്പോഴാണ് ഡബ്ലിനില്‍ വച്ച് സഞ്ജു ജയിലര്‍ കണ്ടത്. ഇന്ത്യ- അയര്‍ലന്‍ഡ് രണ്ടാം ട്വന്‍റി 20ക്കിടെ കമന്‍റേറ്റര്‍ നീൽ ഒബ്രിയാനാണ് താരം ചിത്രം കണ്ട വിവരം ക്രിക്കറ്റ് ലോകത്തെ അറിയിച്ചത്. ക്രിക്കറ്റിലെ തിരക്കുകള്‍ക്കിടയിലാണ് സഞ്ജു സാംസണ് സൂപ്പര്‍ സ്റ്റാറിന്‍റെ സിനിമ കാണാന്‍ പ്രത്യേക അവസരം ലഭിച്ചത്.
— Prem 2.0 (@premrpk_) August 20, 2023
ര‍ജനിയുടെ നിരവധി സിനിമകള്‍ തിയറ്ററില്‍ കണ്ടിട്ടുള്ള സഞ്ജു സൂപ്പര്‍ സ്റ്റാറിനെ ഈ വര്‍ഷാദ്യം അദ്ദേഹത്തിന്റെ വീട്ടില്‍ വച്ച് കണ്ടിരുന്നു. ‘ഏഴാം വയസിലെ തന്നെ തലെെവരുടെ ആരാധകനായി മാറിയ ഞാൻ ഒരു ദിവസം രജനികാന്തിനെ അദ്ദേഹത്തിന്റെ വീട്ടിലെത്തി കാണുമെന്ന് അന്നേ എന്‍റെ മാതാപിതാക്കളോട് പറഞ്ഞിരുന്നു. ആ സുദിനം വന്നെത്തി, തലൈവര്‍ എന്നെ വീട്ടിലേക്ക് ക്ഷണിച്ചു’. എന്ന തലക്കെട്ടോടെയാണ് സഞ്ജു രജനികാന്തിനൊപ്പമുള്ള ചിത്രം സാമൂഹ്യമാദ്ധ്യമങ്ങളില്‍ പങ്കുവെച്ചത്.
Comments