വാഷിംഗ്ടൺ: ഇസ്ലാമിക് സ്റ്റേറ്റിന്റെ കടുത്ത ആരാധകനായ പാകിസ്താൻ ഡോക്ടർക്ക് ശിക്ഷ വിധിച്ച് യുഎസ് കോടതി. ഐഎസ് ഭീകരസംഘടനയിൽ ചേർന്ന് യുഎസിൽ ആക്രമണം നടത്താൻ പദ്ധതിയിട്ട 31 കാരനായ മുഹമ്മദ് മസൂദിനാണ് 18 വർഷം തടവ് ശിക്ഷ വിധിച്ചത്. മയോ ക്ലിനിക്ക് റിസർച്ച് വിഭാഗത്തിന്റെ മുൻ കോ-ഓർഡിനേറ്റർ കൂടിയാണ് മുഹമ്മദ് മസൂദ്.
2020ലാണ് മസൂദിനെതിരെ അമേരിക്കൻ ഏജൻസി അന്വേഷണം ആരംഭിച്ചത്.
സമൂഹ മാദ്ധ്യമങ്ങളിൽ ഐഎസ് അനുകൂല പോസ്റ്റുകൾ പങ്കുവെച്ചതൊടെയാണ് ഇയാൾ എഫ്ബിഐയുടെ ശ്രദ്ധയിൽപ്പെട്ടത്. ‘താൻ പാകിസാതാൻ പാസ്പോർട്ടുള്ള ഒരു മെഡിക്കൽ ഡോക്ടറാണെന്നും സിറിയ, ഇറാഖ് അല്ലെങ്കിൽ അഫ്ഗാനിസ്ഥാന് സമീപമുള്ള വടക്കൻ ഇറാൻ എന്നിവിടങ്ങളിൽ പോകാൻ ആഗ്രഹിക്കുന്നു. ജിഹാദിനായി മുൻനിരയിൽ പോരാടാനും പരിക്കേറ്റ സഹോദരങ്ങളെ സഹായിക്കാനും ആഗ്രഹിക്കുന്നതായി ഇയാൾ സമൂഹ മാദ്ധ്യമത്തിൽ കുറിപ്പ് പങ്കുവെച്ചിരുന്നു’ . മസൂദ് മുമ്പ് തെക്കുകിഴക്കൻ മിനസോട്ട നഗരമായ റോച്ചസ്റ്ററിലെ മെഡിക്കൽ സെന്ററിൽ ജോലി ചെയ്തിരുന്നതായി മയോ ക്ലിനിക്ക് സ്ഥിരീകരിച്ചു, എന്നാൽ അറസ്റ്റിലാകുമ്പോൾ അയാൾ അവിടെ ജോലി ചെയ്തിരുന്നില്ല.
2020-ൽ യുഎസിൽ നിന്ന് ജോർദാൻ വഴി സിറിയയിലേക്ക് പോകാൻ മുഹമ്മദ് മസൂദ് ശ്രമിച്ചെങ്കിലും പരാജയപ്പെട്ടു. ഒടുവിൽ 2020 മാർച്ച് 19 ന് സിറിയയിലേക്ക് കടക്കാൻ ശ്രമിക്കുന്നതിനിടയിൽ മിനിയാപൊളിസ് എയർപോർട്ടിൽ വെച്ച് എഫ്ബിഐ സംഘം ഇയാളെ അറസ്റ്റ് ചെയ്തു. താൻ ഇസ്ലാമിക് സ്റ്റേറ്റിനെ പിന്തുണയ്‌ക്കുന്നതായി മുഹമ്മദ് മസൂദ് സമ്മതിച്ചതായി എഫ്ബിഐ കോടതിയിൽ വ്യക്തമാക്കി. തൊഴിൽ വിസയിലാണ് മസൂദ് യുഎസിൽ എത്തിയത്.
2014 ലാണ് ഇറാഖിന്റെയും സിറിയയുടെയും വലിയ പ്രദേശങ്ങൾ
ഇസ്ലാമിക് സ്റ്റേറ്റ് കയ്യടിക്കിയത്. തീവ്രവാദ ഗ്രൂപ്പുകളുടെ റിക്രൂട്ടിംഗ് കേന്ദ്രമെന്ന ദുഷ്‌പേര് മിനസോട്ട നഗരത്തിനുണ്ട് സൊമാലിയയിൽ നിന്നുള്ളവരാണ് ഇവിടെ താമസിക്കുന്നതിൽ നല്ലൊരു പങ്കും. അൽ-ഖായിദയുടെ ആഫ്രിക്കൻ ശാഖയായ അൽ-ഷബാബിൽ ചേരാൻ ഇവിടെ നിന്ന് നിരവധി പേർ പോയെന്നാണ് സൂചന. തീവ്രവാദവുമായി ബന്ധപ്പെട്ട കുറ്റങ്ങൾ ചുമത്തി നിരവധി ആളുകൾ ഈ പ്രദേശത്ത് ശിക്ഷിക്കപ്പെട്ടിട്ടുണ്ട്.
Comments