5,966 കോടി…! ഇന്ത്യയുടെ ഹോം മത്സരങ്ങളുടെ സംപ്രേഷണാവകാശം റിലയൻസ്-വയാകോമിന്; മത്സരമൊന്നിന് 67 കോടി

മുംബൈ: 2028 മാർച്ച് വരെയുള്ള അഞ്ച് വർഷ കാലയളവിലുള്ള ഇന്ത്യയുടെ 88 ഹോം മത്സരങ്ങളുടെ സംപ്രേഷണാവകാശം റിലയൻസ്-വയാകോം 18ന് .ടിവി, ഡിജിറ്റൽ സംപ്രേഷണാവകാശം വിൽപ്പന നടത്തിയതിലൂടെ ബിസിസിഐയ്‌ക്ക് 5,966 കോടി രൂപയാണ് ലഭിക്കുക. ബിസിസിഐ സെക്രട്ടറിയാണ ഇതുസംബന്ധിച്ച വിവരം എക്സിൽ(ട്വിറ്റർ) കുറിച്ചത്.

3,101 കോടി രൂപയാണ് ഡിജിറ്റൽ റൈറ്റ്സ് വിൽപ്പനയിലൂടെ ലഭിക്കുക. ടിവി റൈറ്റ്സിലൂടെ 2,862 കോടിയും ലഭിക്കും. 35.23 കോടിയാണ് ഒരു മത്സരത്തിൽ ഡിജിറ്റൽ സ്ട്രീമിംഗിന് ബിസിസിഐ ലഭിക്കുക. ടിവി സംപ്രേഷണത്തിന് 32.52 കോടിയും

ഓസ്‌ട്രേലിയയ്‌ക്ക് എതിരായ 21 മത്സരങ്ങൾ (അഞ്ച് ടെസ്റ്റ്, ആറ് ഏകദിനങ്ങൾ, 10 ടി20 മത്സരങ്ങൾ), ഇംഗ്ലണ്ടിനെതിരായ 18 മത്സരങ്ങൾ (10 ടെസ്റ്റുകൾ, മൂന്ന് ഏകദിനങ്ങൾ, അഞ്ച് ടി20 മത്സരങ്ങൾ) എന്നിവ ഉൾപ്പെടെയുള്ളവയുടെ സംപ്രേഷണാവകാശമാണ് ലേലത്തിന് വയ്‌ക്കുന്നത്.

സൈക്കിളിൽ ആകെ 25 ടെസ്റ്റ് മത്സരങ്ങളും 27 ഏകദിനങ്ങളും 36 ടി20 മത്സരങ്ങളുമാണുള്ളത്. 2018 മുതൽ 2023 വരെയുള്ള കഴിഞ്ഞ അഞ്ച് വർഷക്കാലയളവിൽ സ്റ്റാർ ഇന്ത്യയിൽ നിന്ന് ബിസിസിഐ 944 മില്യൺ ഡോളർ (2018ലെ വിനിമയ നിരക്ക് അനുസരിച്ച് ഏകദേശം 6138 കോടി രൂപ) നേടിയിട്ടുണ്ട്. ടിവി, ഡിജിറ്റൽ സംപ്രേഷണം ഉൾപ്പെടെ ഒരു മത്സരത്തിന് 60 കോടി രൂപയായിരുന്നു ഇക്കാലയളവിൽ ബിസിസിഐ നേടിയത്.

അടുത്ത അഞ്ച് വർഷത്തേക്കുള്ള ഇന്ത്യൻ പ്രീമിയർ ലീഗിന്റെ സംപ്രേഷണാവകാശം ഇത്തരത്തിലായിരുന്നു കഴിഞ്ഞ തവണ ബിസിസിഐ വിൽപ്പന നടത്തിയത്. ഇതുവഴി ആകെ 48,390 കോടി രൂപയായിരുന്നു ബിസിസിഐയുടെ അക്കൗണ്ടിൽ എത്തിയത്. ടെലിവിഷൻ സംപ്രേഷണാവകാശം ഡിസ്നി സ്റ്റാറും, ഡിജിറ്റൽ സ്ട്രീമിംഗ് അവകാശം റിലയൻസിന്റെ വയാകോം 18ഉം ആയിരുന്നു സ്വന്തമാക്കിയത്.

Congratulations @viacom18 🤝 for winning the @BCCI Media Rights for both linear and digital for the next 5 years. India Cricket will continue to grow in both spaces as after @IPL, and @wplt20, we extend the partnership @BCCI Media Rights as well. Together we will continue to…

— Jay Shah (@JayShah) August 31, 2023

“>