ലോകക്രിക്കറ്റില് മികച്ച ബാറ്റര്മാരില് ഒരാളാണ് ഇന്ത്യന് നായകന് രോഹിത് ശര്മ്മ. വമ്പന് അടിക്കാരുടെ പട്ടികയും താരത്തിന്റെ സ്ഥാനം ഏറെ മുകളിലാണ്. ഏഷ്യാകപ്പ് കളിക്കുന്ന താരം തന്റെ പുതിയ ലക്ഷ്യത്തെക്കുറിച്ച് വെളിപ്പെടുത്തിയിരിക്കുകയാണ്. രാജ്യാന്തര ക്രിക്കറ്റില് കരീബിയന് കരുത്തനായ ക്രിസ് ഗെയിലിന്റെ സിക്സുകളുടെ റെക്കോര്ഡ് തിരുത്തണമെന്നാണ് ഹിറ്റ്മാന്റെ ലക്ഷ്യം.
രാജ്യാന്തര ക്രിക്കറ്റില് 553 പടുകൂറ്റന് സിക്സുകളാണ് ക്രിസ് ഗെയില് പറത്തിയത്. ഹിറ്റ്മാന് ആകട്ടെ 539 സിക്സുകള് അതിര്ത്തി വര കടത്തി. 14 എണ്ണവും കൂടി തികച്ചാല് രോഹിത്തിന് വിന്ഡീസ് കരുത്തിനെ മറികടക്കാം. ഏഷ്യാകപ്പടക്കം വരുന്ന മാസങ്ങളില് നടക്കുന്ന ടൂര്ണമെന്റില് തന്നെ താരത്തിന് ഗെയിലിന്റെ റെക്കോര്ഡ് മറികടക്കാനാകും എന്നാണ് കരുതുന്നത്.
അതേസമയം പരിശീലകന് രാഹുല് ദ്രാവിഡിനോട് എനിക്ക് വലിയ ബഹുമാനം ഉണ്ടെന്നും രോഹിത് വ്യക്തമാക്കി. അദ്ദേഹം നല്ലൊരു മനുഷ്യനാണ്. ആകെയുള്ളൊരു വിഷമം എനിക്ക് അദ്ദേഹത്തിനൊപ്പം അധികം ബാറ്റ് ചെയ്യാനായില്ല എന്നുള്ളതാണ്-രോഹിത് പറഞ്ഞു.
Comments