കാഴ്ചയിലും പ്രകടനത്തിലും ക്യാമറ ക്ലാരിറ്റിയിലും വലിയ അപ്ഡേറ്റുകളോടെയാണ് ഐഫോൺ 15 പ്രോ സീരീസ് വിപണിയിൽ എത്തിയിരിക്കുന്നത്. കമ്പനി ഇതിന്റെ കണക്ടിവിറ്റി ഫീച്ചറുകളിൽ ഇത്തവണ വലിയ മാറ്റമാണ് വരുത്തിയിരിക്കുന്നത്. ഇതിൽ ഐഎസ്ആർഒയുടെ NavIC സാങ്കേതിക വിദ്യയും ഉൾപ്പെടുത്തിയിട്ടുണ്ട്. ഇതിലൂടെ നാവിഗേഷൻ സേവനം ലഭ്യമാകുന്നു.
നാവിഗേഷൻ സാങ്കേതിക വിദ്യയെ മൊബൈലിന്റെ ചിപ്പ് സെറ്റുകളിലേക്ക് സമന്വയിപ്പിച്ചാണ് നീക്കം. ഇതിനായി ക്വാൽകോമുമായി സഹകരിച്ചാണ് ഐഎസ്ആർഒ NavIC വികസിപ്പിച്ചെടുത്തത്. എ17 പ്രോ ചിപ്സെറ്റിനായി പ്രവർത്തിക്കാനും NavIC-നെ പുതിയ ഐഫോൺ 15 പ്രോ, 15 പ്രോ മാക്സ് മോഡലുകളുമായി സംയോജിപ്പിക്കാൻ സാധിച്ചു. ആപ്പിളുമായി സഹകരിച്ചാണ് ഐഎസ്ആർഒയ്ക്ക് ഇത് സാധ്യമായത്.
ആപ്പിളിന്റെ വെബ്സൈറ്റിലെത്തി ഐഫോൺ 15 പ്രോ മോഡലുകളുടെ സ്പെസിഫിക്കേഷൻ മനസിലാക്കാനാകും. ഇതിൽ ലൊക്കേഷൻ സെഗ്മെന്റിൽ ഈ ഓപ്ഷൻ കാണാൻ സാധിക്കും. NavIC പ്രധാനമായും രണ്ട് തരം ലൊക്കേഷൻ സേവനങ്ങളാണ് നൽകുന്നത്. സ്റ്റാൻഡേർഡ് പൊസിഷനിംഗ് സേവനങ്ങൾ, സുരക്ഷാ ഏജൻസിക്കുള്ള എൻക്രിപ്റ്റ് സേവനങ്ങൾ, സൈനിക പ്രവേശനവുമായി ബന്ധപ്പെട്ട സേവനങ്ങൾ എന്നിവ ലഭ്യമാകും. NavIC ഏഴ് ഉപഗ്രഹങ്ങളെ ആശ്രയിച്ചാണ് പ്രവർത്തിക്കുന്നത്. ഇതിൽ രണ്ട് ജിയോസ്റ്റേഷനറി എർത്ത് ഓർബിറ്റ് ഉപകരണങ്ങളും നാല് ജിയോസിൻക്രണസ് ഓർബിറ്റ് ഉപഗ്രഹങ്ങളുമാണ് ഉള്ളത്.
Comments