ന്യൂഡൽഹി: സെപ്റ്റംബർ 19 മുതൽ ക്യാഷ് ഓൺ ഡെലിവറിയിൽ 2000 നോട്ടുകൾ സ്വീകരിക്കില്ലെന്ന് ഇ-കൊമേഴ്സ് കമ്പനി ആമസോൺ. 2,000 രൂപ നോട്ടുകൾ മാറ്റി വാങ്ങുന്നതിനുള്ള കാലാവധി സെപ്റ്റംബർ 30-ന് അവസാനിക്കാനിരിക്കെയാണ് ആമസോണിന്റെ പ്രഖ്യാപനം. എന്നാൽ തേർഡ് പാർട്ടി കൊറിയർ പങ്കാളി മുഖേനയാണ് ആമസോണിൽ ഓർഡർ ചെയ്ത സാധനങ്ങൾ കൈപ്പറ്റുന്നതെങ്കിൽ 2,000 രൂപ സ്വീകരിക്കുമെന്നും ആമസോൺ അറിയിച്ചിട്ടുണ്ട്.
ഈ വർഷം മെയിലാണ് 2,000 രൂപ നോട്ടുകളുടെ വിതരണം അവസാനിപ്പിക്കുന്നതായി ആർബിഐ വിജ്ഞാപനം പുറത്തിറക്കിയത്. സെപ്റ്റംബർ 30-വരെ 2,000 രൂപ നോട്ടുകൾ ബാങ്കുകളിൽ നിക്ഷേപിക്കുന്നതിനും മാറ്റിയെടുക്കുന്നതിനുമുള്ള അവസാന സമയപരിധി. ഇത് കണക്കിലെടുത്താണ് ആമസോൺ ഉപയോക്താക്കൾക്ക് മുന്നറിയിപ്പ് നൽകിയിരിക്കുന്നത്.
