എസ്ബിഐയിൽ പ്രബോഷണറി ഓഫീസർ തസ്തികയിൽ 2,000 ഒഴിവുകൾ. ബിരുദ യോഗ്യതയുള്ളവർക്കാണ് അവസരം. 2023 നവംബറിൽ പ്രിലിമിനറി പരീക്ഷ നടക്കും.
എസ്ബിഐ പിഒ റിക്രൂട്ട്മെന്റ് തസ്തികയിലേക്ക് അപേക്ഷിക്കുന്നത് എങ്ങനെ?
- sbi.co.in എന്ന എസ്ബിഐയുടെ ഔദ്യോഗിക വെബ്സൈറ്റ് സന്ദർശിക്കുക.
- ഹോംപേജിൽ പിഒ റിക്രൂട്ട്മെന്റിനായി എന്ന ലിങ്കിൽ ക്ലിക്ക് ചെയ്യുക
- അപേക്ഷകന്റെ ക്രെഡൻഷ്യലുകൾ ഉപയോഗിച്ച് ലോഗിൻ ചെയ്ത് അപേക്ഷാ ഫോം പൂരിപ്പിക്കുക
- ആവശ്യമായ രേഖകൾ അപ്ലോഡ് ചെയ്ത ശേഷം ഓൺലൈൻ മുഖേന അപേക്ഷാ ഫീസ് അടയ്ക്കുക
- അപേക്ഷ സമർപ്പിച്ചതിന് ശേഷം പേജ് ഡൗൺലോഡ് ചെയ്യുക
- പിന്നീടുള്ള ആവശ്യങ്ങൾക്കായി ഫോമിന്റെ പ്രിന്റൗട്ട് എടുക്കുക
ഏതെങ്കിലും വിഷയത്തിൽ ബിരുദം. ബിരുദകോഴ്സിന്റെ അവസാന വർഷ/സെമസ്റ്ററിലുള്ളവർക്കും അപേക്ഷിക്കാം. എന്നാൽ, ഇവർ അഭിമുഖത്തിലേക്ക് തിരഞ്ഞെടുക്കപ്പെടുകയാണെങ്കിൽ ഡിസംബർ 31-നോ അതിനുമുമ്പോ ബിരുദ പരീക്ഷ പാസായതിന്റെ തെളിവ് ഹാജരാക്കണം. മെഡിക്കൽ , എൻജിനീയറിംഗ്, ചാർട്ടേഡ് അക്കൗണ്ടന്റ് യോഗ്യത ഉള്ളവർക്കും അപേക്ഷിക്കാം. തിരഞ്ഞെടുക്കപ്പെടുന്നവർ രണ്ടുലക്ഷംരൂപയുടെ സർവീസ് ബോണ്ട് സമർപ്പിക്കണം. അപേക്ഷകന്റെ പ്രായപരിധി 2023 ഏപ്രിൽ 1-ന് 21-നും 30-നും ഇടയിൽ ആയിരിക്കണം. ജനറൽ/ഇഡബ്ല്യുഎസ്/ഒബിസി വിഭാഗങ്ങളിൽ പെടുന്ന ഉദ്യോഗാർത്ഥികൾ 750 രൂപയാണ് ഫീസ്. എസ്സി/എസ്ടി/പിഡബ്ല്യുബിഡി ഉദ്യോഗാർത്ഥികൾക്ക് ഫീസ് ഇല്ല. വിശദാംശങ്ങൾക്കും അപ്ഡേറ്റുകൾക്കുമായി ബാങ്കിന്റെ വെബ്സൈറ്റ്-https://bank.sbi/careers/current-openings പരിശോധിക്കാം.
