പ്രപഞ്ചസൃഷ്ടാവും തേജോരൂപനും സകല കർമ്മ ദായകനുമായവിശ്വകർമ്മദേവൻ സ്വയംഭൂ വിരാഡ് പുരുഷനാണ്.പരബ്രഹ്മവും പഞ്ചമുഖനുമായ ദേവൻ സകല ചരാചര സൃഷ്ടാവുമാണ്. പഞ്ചമുഖ ശിവബ്രഹ്മ്ഹ്മനായ വിശ്വകർമ്മ ദേവൻ മുപ്പത്തിമുക്കോടി ദേവതകളിലും ചൈതന്യ ധന്യമായി നിലകൊള്ളുന്നു. വിശ്വകർമ്മദേവൻ പഞ്ച മുഖനായതുകൊണ്ട് ‘പഞ്ചം’ എന്നത് വിശ്വ കർമ്മ കുലത്തിന്റ അടയാള മുദ്രയാണ്.
വൈദികകാലത്ത് വേദങ്ങൾ പഠിപ്പിച്ചിരുന്നതും പ്രചരിപ്പിച്ചിരുന്നതും കൈകാര്യം ചെയ്തിരുന്നതും വിശ്വകർമ്മ പുരോഹിതന്മാരായിരുന്നു വേദങ്ങൾ പഠിപ്പിക്കുന്നതിന് വിദ്യാപീഠങ്ങൾ ഉണ്ടായിരുന്നു.’പഞ്ചായത്ത്’ എന്ന സമ്പ്രദായം ലോകത്തിന് മാതൃകാപരമായി ആദ്യം പ്രാവർത്തികമാക്കിയത് വിശ്വകർമ്മ സമൂഹമാണ് .’പഞ്ചാംഗം’ എന്ന ജ്യോതിഷ ഗണിതശാസ്ത്രത്തിന്റെ ഉപജ്ഞാതാക്കളും വിശ്വകർമ്മജരാണ് പുരോഹിതന്മാരായിരുന്നു. വിശ്വബ്രാഹ്മണൻ എന്നായിരുന്നു വൈദികകാലത്ത് അറിയപ്പെട്ടിരുന്ന വിശ്വകർമ്മകുലം അറിയപ്പെട്ടിരുന്നത്. അഞ്ച് ‘ശിരസ്സും’ പത്ത് കൈകളും ഉള്ള ദേവന്റെ സന്തതിപരമ്പരകളായ വിശ്വകർമ്മജർ കലയിലും സാഹിത്യത്തിലും ശാസ്ത്രത്തിലും അതിനിപുണന്മാരാണ്.
ജ്ഞാന വൈഭവവും കലാവൈഭവവും ശാസ്ത്ര വൈഭവവും ഒന്നിച്ച് കലർന്ന രക്തം കുടികൊള്ളുന്ന ഒരു മനുഷ്യ സമൂഹമാണ് വിശ്വകർമജർ . അതുകൊണ്ടാണ് ഈ മേഖലകളിൽ ഈ സമൂഹം ഇന്നും പ്രബുദ്ധതയോടെ പ്രബലതായോടെ നിലനിൽക്കുന്നത്. കടൽ വഴി, കര വഴി, ആകാശമാർഗ്ഗം ഓടുന്ന വാഹനങ്ങൾ നിർമ്മിച്ച് വരുണസഭ, യമസഭ ആയോദ്ധ്യാ നഗരം, ലങ്കാനഗരം എന്നിവ നിർമ്മിച്ചു കൂടാതെ മഹാമേരുവിന് നടുവിൽ ബ്രഹ്മാവിന് വസിക്കാൻ മേനാവതി നഗരവും, ഭഗവാൻ വിഷ്ണുവിന് വസിക്കാൻ വൈകുണ്ടവും , ഭഗവാൻ ശിവനുവസിക്കാൻ കൈലാസവും വിശ്വകർമ്മ ദേവൻ നിർമിച്ചു നൽകി.. കുബേരന് പുഷ്പക വിമാനം നിർമ്മിച്ചു നൽകിയതും വിശ്വകർമ്മ ദേവനാണ്. മായാനഗരം നിർമ്മിച്ച അർജുനന് നൽകി. കൂടാതെ ഇന്ന് ഭാരതത്തിൽ ഉടനീളം നിലകൊള്ളുന്ന മഹാക്ഷേത്രങ്ങളും ചരിത്ര സ്മാരകങ്ങളും നിർമ്മിച്ച് നമ്മുടെ സംസ്കാരത്തിന് ഒരു ആധുനിക മുഖം നൽകാൻ വിശ്വകർമ്മ ദേവന് കഴിഞ്ഞു..
ഭാരതത്തിന്റെ പുരാണ ഇതിഹാസ കൃതികൾ ആയ രാമായണം, ഭാഗവതം, സ്കന്ദപുരാണം, ശില്പിശാസ്ത്രം, തുടങ്ങിയ മഹത് ഗ്രന്ഥങ്ങളിൽ വിശ്വകർമ ദേവന്റെ സംഭാവനകളെ പറ്റി പലയിടങ്ങളിലായി അടയാളപ്പെടുത്തിയിട്ടുണ്ട്. പഞ്ചമുഖ സ്വരൂപനായ ദേവന്റെ അഞ്ചു മുഖങ്ങളിൽ നിന്നും സൃഷ്ടിച്ച അഞ്ച് ഋഷിമാരെ ദേവൻ ഭൂമിയിലേക്ക് അയച്ചു മാനവ സംസ്കാരത്തിന് നവ്യ മുഖം നൽകി. ദേശവാസികളെ സംസ്കാരം കൊണ്ടും തൊഴിൽകൊണ്ടും പ്രബുദ്ധതയോടെ വളർത്തിയെടുക്കാൻ മനു – മയ – ത്വഷ്ട – ശില്പി – വിശ്വജ്ഞ എന്നീ 5 സനാതന ഋഷിമാരെ ഭൂമിയിലേക്ക് അയച്ചു. ഈ മനു – മയാദി പഞ്ചബ്രഹ്മാക്കൾ വഴി ബ്രഹ്മനിശ്ചയം നടത്തിപ്പോന്നു. ഇപ്പോഴും നടത്തിക്കൊണ്ടിരിക്കുന്നു. ഇവർ അനേകായിരം തൊഴിലുകൾ മാനവരെ പഠിപ്പിച്ചു.സ്വയംതൊഴിൽ ചെയ്ത് ഉപജീവനം നടത്താൻ പ്രാപ്തരാക്കി.
സിന്ധു നദീതട സംസ്കാരം വിശ്വകർമ്മ സംസ്കാരത്തിന്റെ അടയാളമാണ്. സനാതന ഋഷികൾ അനേകായിരം തൊഴിലുകൾ മാനവരെ പഠിപ്പിച്ചു അവരൊക്കെ ഇന്നും ആ തൊഴിലുകൾ ചെയ്ത് ജീവിതം ധന്യതയോടു സന്തുഷ്ടിയോടും മുന്നോട്ടു കൊണ്ടുപോകുന്നു. സംസ്കാരത്തിനും ലോക സംസ്കാരത്തിനും പരിവർത്തനത്തിനും അന്നും ഇന്നും വെളിച്ചത്തിന്റെ ദീപശിഖയുമായി വിശ്വകർമ്മ സമൂഹം മുമ്പോട്ട് പോകുന്നു സംവരണത്തിലും ഭരണത്തിലും പിന്നോക്കം തള്ളപ്പെട്ടെങ്കിലും വിശ്വകർമ്മജർ നൽകിയ സംഭാവനകൾ രാജ്യത്തിന്റെ നെറുകയിൽ ഒരു തിലകമായി ഇന്നും നിൽക്കുന്നു മനു – മയ – ത്വഷ്ട – ശില്പി – വിശ്വജ്ഞ എന്നീ പഞ്ചഋഷിമാരെ ഭഗവാൻ വിശ്വകർമ്മ ദേവൻ ഭൂമിയിലേക്ക് അയച്ചത് ഒരു ഋഷി പഞ്ചമി നാളിൽ ആയിരുന്നു. ഇവരെ ഭൂലോകത്തേക്ക് അയയ്ക്കുമ്പോൾ ഭഗവാനെ വർഷത്തിലൊരിക്കൽ വന്ന് കാണാൻ അനുവാദവും നൽകി. അങ്ങനെ മുഖം കാണിച്ച് ഭൂമിയിലെ കാര്യങ്ങൾ മുഖാമുഖം കണ്ടു ധരിപ്പിക്കാൻ എത്തുന്ന ദിവസമാണ് “ഋഷി പഞ്ചമി” എന്ന മഹത് കൂടിക്കാഴ്ച ദിനം..
വിശ്വകര്മ്മ ദേവൻ സ്വയംഭൂവാണ്. അതുകൊണ്ടു തന്നെ ഏതെങ്കിലുമൊരു നക്ഷത്രമോ തിഥിയോ അദ്ദേഹത്തിന്റെ ജന്മദിനമായി പറയാനാവില്ല; എങ്കിലും ഭാരത പഞ്ചാംഗത്തിലെ കന്യസംക്രാന്തിദിനത്തിലാണ് വിശ്വകര്മ്മ ജയന്തി ആഘോഷിച്ചു വരുന്നത്. വിശ്വകർമ്മജയന്തി എന്നത് വടക്കേ ഇന്ത്യയിലെ ഒരു പ്രത്യേക ആഘോഷമാണ്.
രാജ്യമെമ്പാടും ഈ വര്ഷം ഋഷി പഞ്ചമി ആഘോഷിക്കുന്നത് 1199 കന്നിമാസം മൂന്നാം തീയതിയാണ്. അതായത് 2023 സെപ്റ്റംബർ 20 ബുധനാഴ്ച. ലോകത്തിനു ശാന്തിയും സമാധാനവും ഐശ്വര്യവും നൽകുനൻ ഒരു മഹത്തയ ദിനം തന്നെയാണ് രീതി പഞ്ചമി എന്ന് നിസ്സംശയം പറയാം. ഈ ദിവസങ്ങളിൽ വിശ്വ കർമ്മജരുടെ ഭവനങ്ങളിലും ആരാധനാലയങ്ങളിലും നാനാഭാഗങ്ങളിലും ആഘോഷപരിപാടികൾ നടത്തി വിശ്വ കർമ്മ ദേവന്റെ മഹത്വം പങ്കിടുന്ന ഒരു സുദിനം കൂടിയാണ് ഋഷി പഞ്ചമി .
എഴുതിയത്
സുകു പാൽക്കുളങ്ങര
ഫോൺ : 94472 05109
Comments