ഇത് പൊന്നും വിലയല്ല അതുക്കും മേലെ…! ഒന്നേകാല്‍ കോടി വിലയുള്ള ഗണേശ് ലഡു, അറിയാം ആചാരവും പൈതൃകവും

ഹൈദരാബാദ്: വര്‍ഷത്തില്‍ ഒരിക്കല്‍ മാത്രം നടക്കുന്ന ലേലം. പതിറ്റാണ്ടുകളായി തുടരുന്ന പാരമ്പര്യം. ബലാപൂര്‍ ഗണേശ് ലഡുവിന് ഇത്തവണ കിട്ടിയത് ഒന്നേകാല്‍ കോടി രൂപ. പത്തുദിവസത്തെ ഗണേശ ഉത്സവത്തിന് വിരാമമിട്ട് നടന്ന ലേലം വിളിയില്‍ തെലങ്കാനയിലെ റെക്കോര്‍ഡ് തുകയാണ് നേടിയത്. 12 കിലോഗ്രാം ഭാരം വരുന്ന ഭീമന്‍ ലഡുവാണ് വിറ്റുപോയത്. ബലാപൂര്‍ ഉത്സവ സമിതിയാണ് ലേലം സംഘടിപ്പിക്കുന്നത്. അഞ്ചുകുടുംബങ്ങള്‍ ചേര്‍ന്നാണ് ഗണേശ് ലഡു വാങ്ങിയതെന്നാണ് വിവരം.

ലേലത്തിലൂടെ കിട്ടുന്ന തുക ചാരിറ്റിക്ക് ഉപയോഗിക്കുമെന്ന് സംഘാടകര്‍ അറിയിച്ചു. കുട്ടികളുടെ വിദ്യാഭ്യാസത്തിനും ആരോഗ്യ കാര്യങ്ങള്‍ക്കും ഉപയോഗിച്ച ശേഷം എന്‍.ജി.ഒകള്‍ക്ക് അവശ്യ സാധനങ്ങളും വാങ്ങി നല്‍കുമെന്നും അവര്‍ അറിയിച്ചു.

കഴിഞ്ഞ വര്‍ഷം 60.8 ലക്ഷണത്തിനാണ് ലഡു വിറ്റുപോയത്. 1994 മുതലാണ് ലഡുവിന്റെ ലേലം വിളി ആരംഭിക്കുന്നത്.ആദ്യമായി ഈ ലഡു ലേലം ചെയ്തത് 450 രൂപയ്‌ക്കായിരുന്നു. കൃഷിക്കാരനായിരുന്ന കോലന്‍ മോഹന്‍ റെഡ്ഡിയാണ് വാങ്ങിയത്.2021ല്‍ 18.90ലക്ഷം രൂപയ്‌ക്കായിരുന്നു വിറ്റത്. മാരി ശശാങ്ക് റെഡ്ഡിയും രമേഷ് യാദവും ചേര്‍ന്നാണ് വാങ്ങിയത്.

2020 ല്‍ കൊവിഡ് മഹാമാരിയെ തുടര്‍ന്ന് ലഡു ലേലം ചെയ്യാതെ മുഖ്യമന്ത്രി കെ.ചന്ദ്രശേഖര്‍ റാവുവിന് കൈമാറുകയായിരുന്ന. 2021 ല്‍ വൈഎസ്ആര്‍സിപി നേതാവ് ആര്‍.വി രമേശ് റെഡ്ഡി 18.9 ലക്ഷം രൂപയ്‌ക്ക് ലഡു സ്വന്തമാക്കിയത്.

Breaking all records in #Hyderabad Richmond Villas, Suncity has auctioned this year’s #GanpatiBappa Laddu for a whopping 1.26 crore. Last year the five Kg laddu was auctioned for Rs 60.48 lakh.

This year the famous Balapur Ganesh Laddu fetched Rs 27 Lakh.#GaneshNimarjan… https://t.co/YUZ6fR9leO pic.twitter.com/71gSW26sIW

— Ashish (@KP_Aashish) September 28, 2023

“>