ഫോട്ടോഷോപ്പ് ഇൻസ്റ്റാൾ ചെയ്ത് ബുദ്ധിമുട്ടേണ്ട; ഇനി ഫോട്ടോഷോപ്പ് വെബിൽ ചിത്രങ്ങൾ അടിമുടി മാറ്റാം..

ചിത്രങ്ങൾ എഡിറ്റ് ചെയ്യാൻ പലരും അഡോബിയുടെ ഇമേജ് എഡിറ്റിംഗ് സോഫ്റ്റ്‌വെയറായ ഫോട്ടോഷോപ്പാകും തിരഞ്ഞെടുക്കുന്നത്. മികച്ച രീതിയിൽ ചിത്രങ്ങൾ എഡിറ്റ് ചെയ്യാൻ സാധിക്കുമെന്നതു തന്നെയാണ് ഇതിന്റെ ഏറ്റവും വലിയ പ്രത്യേകത. ഫോട്ടോഷോപ്പ് ഉപയോഗിക്കാൻ ആഗ്രഹിക്കുന്ന തുടർക്കക്കാർ ഇനി സോഫ്റ്റ്‌വെയർ ഇൻസ്റ്റാൾ ചെയ്ത് ബുദ്ധിമുട്ടണമെന്നില്ല. വെബ് ബ്രൗസർ ഉപയോഗിച്ചു ഫോട്ടോഷോപ്പ് വെബ്‌സൈറ്റ് ഉപയോഗിക്കാൻ സാധിക്കുമെന്ന സന്തോഷവാർത്തയാണ് ഇപ്പോൾ പുറത്തുവരുന്നത്.

ഫോട്ടോഷോപ്പിൽ ലഭ്യമായ എല്ലാ പ്ലാനുകളും ഏഴ് ദിവസം ഇതിൽ സൗജന്യമായി ഉപയോഗിക്കാൻ സാധിക്കും. ക്രോം, ഫയർഫോക്‌സ്, എഡ്ജ് തുടങ്ങിയ പരിമിതമായ ചില ബ്രൗസറുകളിലാണ് ഫോട്ടോഷോപ്പ് വെബ് ലഭിക്കുക. https://photoshop.adobe.com/discover എന്ന യുആർഎൽ ഉപയോഗിച്ച് ഉപയോക്താക്കൾക്ക് ഇത് ആക്‌സസ് ചെയ്യാവുന്നതാണ്. ഡെസ്‌ക്‌ടോപ്പ് ഫോട്ടോഷോപ്പിലെ മുഴുവൻ ടൂളുകളും ഇതിൽ ലഭിക്കില്ലെങ്കിലും പാച്ച് ടൂൾ, പെൻ ടൂൾ, തുടങ്ങി അത്യാവശ്യമുള്ള ടൂളുകൾ ഇതിൽ ഉപയോഗിക്കാൻ സാധിക്കും. ഇതിനുപുറമെ ഫയർഫ്‌ളൈ എന്ന എഐ മോഡലും ഇതിൽ ഉൾപ്പെടുത്തിയിട്ടുണ്ട്. ചിത്രങ്ങൾ മികച്ച രീതിയിൽ എഡിറ്റ് ചെയ്യാൻ സാധിക്കുന്ന ജനറേറ്റീവ് എക്‌സ്പാൻഡ് ഫീച്ചറുകളും മറ്റു ഫീച്ചറുകളും ഇതിൽ ഉൾപ്പെടുത്തിയിട്ടുണ്ട്.