എക്‌സിന് വെല്ലുവിളിയായി എത്തിയ ത്രെഡ്‌സിൽ പുതിയ ഫീച്ചറുകൾ അതരപ്പിക്കാനൊരുങ്ങി മെറ്റ. ഇൻസ്റ്റഗ്രാം നഷ്ടമാകാതെ എങ്ങനെ ത്രെഡ്‌സ് അക്കൗണ്ട് ഒഴിവാക്കാൻ സാധിക്കും എന്ന ഫീച്ചറാണ് മെറ്റ അവതരിപ്പിക്കാൻ ഒരുങ്ങുന്നത്. ഉപഭോക്താക്കൾ ആവശ്യം ഉന്നയിച്ചതിന് പിന്നാലെയാണ് മെറ്റ ഇത്തരത്തിലൊരു നീക്കത്തിന് സജ്ജമാകുന്നത്.
ഉപയോഗിക്കുന്നില്ലാത്ത ത്രെഡ്‌സ് അക്കൗണ്ടുകൾ ഒഴിവാക്കുമ്പോൾ കൂടെ ഇൻസ്റ്റഗ്രാം അക്കൗണ്ടും നഷ്ടമാകുമോ എന്ന ആശങ്കയിലാണ് പലരും ഫോണിൽ ത്രെഡ്‌സ് നിലനിർത്തുന്നത്. ഈ സാഹചര്യത്തിലാണ് മെറ്റ പുതിയ ഫീച്ചർ അവതരിപ്പിക്കാൻ തയാറെടുക്കുന്നത്.
ഡിസംബർ അവസാനത്തോടെ ഫീച്ചർ നിലവിൽ വരുമെന്നാണ് റിപ്പോർട്ടുകൾ സൂചിപ്പിക്കുന്നത്. കഴിഞ്ഞ ജൂലൈയിലാണ് ത്രെഡ്‌സ് ഔദ്യോഗികമായി എത്തുന്നത്. ആപ്പ് അവതരിപ്പിച്ച് അഞ്ച് ദിവസത്തിനുള്ളിൽ തന്നെ ദശലക്ഷക്കണക്കിന് ഡൗൺലോഡുകൾ നേടിയിരുന്നു.
