സ്വന്തമായൊരു ഐഫോൺ എന്ന സ്വപ്നം പേറി കഴിയുന്നവർക്ക് സന്തോഷവാർത്ത! കുറഞ്ഞ വിലയിൽ മികച്ച ഫോൺ സ്വന്തമാക്കാനുള്ള അവസരമാണുള്ളത്. 26,399 രൂപയ്ക്ക് ഐഫോൺ 13 സ്വന്തമാക്കാനുള്ള അവസരമാണ് ലഭിക്കുക. അതായത് 25,600 രൂപയുടെ കിഴിവ്.
ഐഫോൺ13 പുറത്തിറങ്ങിയതിന് ശേഷം ആദ്യമായാണ് ഇത്രയധികം വിലക്കിഴിവ് പ്രഖ്യാപിക്കുന്നത്. ഫ്‌ളിപ്പ്കാർട്ട് ബിഗ് ബില്യൺ ഡേയ്‌സ് സെയിലിൽ ഏറ്റവും കൂടുതൽ വിറ്റഴിയുന്നത് ഐഫോൺ 13 ആണ്. 2021-ൽ പുറത്തിറങ്ങിയ ഫോണിന്റെ അന്നത്തെ വില 79,900 ആയിരുന്നു. പിന്നീട് ഏറ്റവുമൊടുവിലായി ഐഫോൺ 15 ലിരീസ് പുറത്തിറക്കിയതിന് പിന്നാലെയാണ് ഐഫോൺ 13ന്റെ വില കുറഞ്ഞത്. എന്നാൽ എന്നത്തേക്കാളും കുറഞ്ഞ നിരക്കിലാണ് ഐഫോൺ 13ന്റെ വില.
ആപ്പിൾ സ്റ്റോറിൽ ഐഫോൺ 13 ബേസ് മോഡലിന് 59,900 രൂപയാണ് വില. എന്നാൽ ഫ്‌ളിപ്പ്കാർട്ടിൽ 25,600 രൂപ കിഴിവിന് ശേഷം വെറും 26,399 രൂപയ്ക്ക് ലഭ്യമാണ്. മറ്റൊല്ലാ ഓഫറുകളും കിഴിവുകൾക്കും ശേഷമാണ് ഫോൺ 25,600 രൂപയ്ക്ക് ലഭിക്കുന്നത്. കിഴിവുകൾ വിശദമായി നോക്കാം..
ബേസ് മോഡലിൽ നിന്ന് 7,901 രൂപ കുറച്ച് ഫ്‌ളിപ്പ്കാർട്ടിൽ 51,999 രൂപയ്‌ക്കാണ് ഐഫോൺ 13 ലിസ്റ്റ് ചെയ്തിരിക്കുന്നത്. ഐസിഐസി ബാങ്ക്, ആക്‌സിസ് ബാങ്ക്, സിറ്റി ബാങ്ക് തുടങ്ങിയ ബാങ്കുകളുടെ ക്രെഡിറ്റ് കാർഡ് ഉപയോഗിച്ച് ഫോൺ വാങ്ങുന്നവർക്ക് 1000 രൂപയുടെ കിഴിവ് ലഭിക്കും. ഇതോടെ ഐഫോൺ 13-ന്റെ വില 50,099 രൂപയാകും. ഇതിനുപരി ഇപ്പോൾ കയ്യിലുള്ള ഫോൺ മാറ്റി വാങ്ങാൻ പദ്ധതിയിടുകയാണെങ്കിൽ 24,600 രൂപയുടെ കിഴിവാണ് ലഭിക്കുന്നത്. മേൽപ്പറഞ്ഞ ബാങ്ക് കിഴിവുകൾക്കും ഓഫറുകൾക്കുമൊടുവിൽ വെറും 26,399 രൂപയ്ക്ക് ഫ്‌ളിപ്പ്കാർട്ടിൽ നിന്ന് ഐഫോൺ 13 സ്വന്തമാക്കാം.
