ന്യൂഡൽഹി : പലസ്തീന് പിന്തുണയുമായി പാലസ്തീൻ എംബസിയിലെത്തി പ്രതിപക്ഷ നേതാക്കൾ . ബിഎസ്പി എംപി ഡാനിഷ് അലി, കോൺഗ്രസ് നേതാവ് മണിശങ്കർ അയ്യർ എന്നിവരുടെ നേതൃത്വത്തിലാണ് എംപിമാരും നേതാക്കളും മുൻ എംപിമാരും പലസ്തീൻ അംബാസഡറെ കണ്ട് പലസ്തീന് പിന്തുണ അറിയിച്ചത് .
ഇസ്രായേലിന്റെ പ്രത്യാക്രമണത്തെ ശക്തമായി എതിർക്കുമെന്നും, യുദ്ധം നിർത്താൻ അന്താരാഷ്‌ട്ര സമൂഹം സമ്മർദ്ദം ചെലുത്തുമെന്നുമാണ് പ്രതിപക്ഷ നേതാക്കളുടെ വാഗ്ദാനം. “ഈ ഭ്രാന്തിൽ ഇടപെടാനും അവസാനിപ്പിക്കാനും ഞങ്ങൾ അന്താരാഷ്‌ട്ര സമൂഹത്തോട് ആവശ്യപ്പെടുന്നു.” എന്നാണ് ഡാനിഷ് അലി കുറിച്ചത്.
യുദ്ധത്തിന്റെ തുടക്കം മുതൽ, ഡാനിഷ് അലി തുടർച്ചയായി ഇസ്രായേലിനെതിരെ പ്രസ്താവനകൾ ഇറക്കുകയും പലസ്തീന് പിന്തുണ പ്രഖ്യാപിക്കുകയും ചെയ്തിരുന്നു . ഞങ്ങൾ ഇന്ത്യയിലെ ജനങ്ങൾക്ക് വേണ്ടി പലസ്തീനിലെ ജനങ്ങളെ പിന്തുണയ്‌ക്കാൻ പോയിരുന്നു. ഞങ്ങൾ ഇസ്രായേൽ അക്രമത്തിന് എതിരാണ്. – ഡാനിഷ് അലി പറഞ്ഞു.
പലസ്തീൻ അംബാസഡർക്ക് നൽകിയ കത്തിൽ കുൻവർ ഡാനിഷ് അലി, മനോജ് ഝാ, മുഹമ്മദ് ആബിദ്, നദീം ഷാ, ഡി രാജ, മുഹമ്മദ് അഫ്സൽ, ദീപാങ്കർ ഭട്ടാചാര്യ, മണിശങ്കർ അയ്യർ, ജാവേദ് അലി ഖാൻ, മുസാഫർ ഷാ (ജമ്മു-കാശ്മീർ), സുഹാസിനി അലി എന്നിവരുടെ പേരുകളാണ് ഉള്ളത് .
