ഓൺലൈൻ സ്ട്രീമിംഗ് പ്ലാറ്റ്ഫോമായ നെറ്റ്ഫ്ളിക്സ് സബ്സ്‌ക്രിപ്ഷൻ നിരക്ക് വർദ്ധിപ്പിച്ചു. യുഎസ്, ബ്രിട്ടൻ, ഫ്രാൻസ് എന്നിവിടങ്ങളിലാണ് നിരക്ക് വർദ്ധിപ്പിച്ചത്. ബുധനാഴ്ച മുതൽ ഈ നിരക്കുകൾ പ്രാബല്യത്തിൽ വന്നു.
യുഎസിൽ നെറ്റ്ഫ്ളിക്സിന്റെ ബേസിക് പ്ലാൻ 9.99 ഡോളറിൽ നിന്നും 11.99-ആയി ഉയർത്തി. പ്രീമിയം പ്ലാൻ 19.99 ഡോളറിൽ നിന്നും 22.99-ആയി ഉയർത്തി. നെറ്റ്ഫ്ളിക്സിന്റെ പരസ്യങ്ങൾ ഉൾപ്പെട്ടിട്ടുള്ള 6.99 ഡോളറിന്റെ പ്ലാൻ 15.49 ഡോളറായും വർദ്ധിപ്പിച്ചു. സ്റ്റാൻഡേർഡ് പ്ലാൻ 15.49 ഡോളർ തന്നെയായി തുടരുമെന്നും അറിയിച്ചു. യുകെയിൽ ബേസിക് പ്ലാനുകൾ 7.99 പൗണ്ടായും 10.99 യൂറോ ആയും ഉയർന്നു. സ്റ്റാൻഡേർഡ് പ്ലാനുകൾ 17.99 പൗണ്ടായും 19.99 യൂറോ ആയും വർദ്ധിപ്പിച്ചു.
കൂടുതൽ മെച്ചപ്പെട്ട ഉള്ളടക്കം ഉപയോക്താക്കൾക്ക് നൽകുന്നതിന് വേണ്ടിയാണ് നിരക്ക് വർദ്ധിപ്പിക്കുന്നതെന്ന് നെറ്റ്ഫ്ളിക്സ് വ്യക്തമാക്കി. കണ്ടന്റ് ലൈബ്രറി മെച്ചപ്പെടുത്തുന്നതിനും മികച്ച ക്രിയേറ്റർമാരുമായി പങ്കാളിത്തമുണ്ടാക്കുന്നതിനും ടെലിവിഷൻ പരിപാടികൾക്കും സിനിമകൾക്കും ഗെയിമുകൾക്കും വേണ്ടി നിക്ഷേപം നടത്താൻ സാധിക്കുമെന്നും കമ്പനി അറിയിച്ചു.
