വ്യത്യസ്തകളും മാറ്റങ്ങളും എന്നും ആളുകൾക്കിടയിൽ എത്തിക്കുവാൻ മാരുതി എപ്പോഴും ശ്രമിക്കാറുണ്ട്. അത്തരത്തിൽ ഒരു മാറ്റവുമായിട്ടാണ് കമ്പനി ഇത്തവണ എത്തിയിരിക്കുന്നത്. സുസുക്കിയുടെ ഓഫ് റോഡർ ആയ ജിംനി സെറ്റയുടെ വില വെട്ടിക്കുറച്ചിരിക്കുകയാണ് കമ്പനി. ഉത്സവ സീസണുകൾക്ക് മുന്നോടിയായിട്ടാണ് മാരുതിയുടെ ഈ നീക്കം.
ഒരു ലക്ഷം രൂപ വരെ കുറച്ചുവെന്നാണ് സൂചന. കൂടാതെ ജിംനി സെറ്റയുടെ മോഡലുകൾക്കാണ് വില കിഴിവ് ഉള്ളത്. സുസുക്കി ജിംനി സെറ്റ വേരിയന്റിന്റെ മാനുവൽ, ഓട്ടോമാറ്റിക് മോഡലുകൾക്ക് 50,000 രൂപയുടെ കിഴിവാണ് നൽകുന്നത്. നിലവിൽ വിപണിയിൽ സെറ്റയുടെ മാനുവൽ പതിപ്പിന് 12.74 ലക്ഷം രൂപയും ഓട്ടോമാറ്റിക് വേരിയന്റിന് 13.94 ലക്ഷം രൂപയുമാണ് വില. ഈ മാസം അവസാനം വരെ ഈ ഓഫറുകൾ ലഭ്യമാവും.
സെറ്റയുടെ മാനുവൽ മോഡലിന് 16.94 കിലോമീറ്റർ മൈലേജും ഓട്ടോമാറ്റിക് മോഡലിന് 16.39 കിലോമീറ്റർ മൈലേജുമാണ് ഉള്ളത്. സ്റ്റീൽ വീലുകൾ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയുള്ള 7 ഇഞ്ച് ടച്ച്സ്‌ക്രീൻ ഇൻഫോടെയ്ൻമെന്റ് സിസ്റ്റം, ആറ് എയർബാഗുകൾ എന്നിവയടക്കം യാത്ര സുഗമമാക്കാനുള്ള ഉള്ള ഫീച്ചറുകൾ ഈ മോഡലുകളിൽ ഉൾപ്പെടുന്നു. 1.5 ലിറ്റർ K15B പെട്രോൾ എഞ്ചിനാണ് മാരുതി സുസുക്കി ജിംനിക്ക് കരുത്ത് പകരുന്നത്.
