ന്യൂഡൽഹി : ബോളിവുഡ് നടി കങ്കണ റണൗട്ടിനെ വിമർശിച്ച അഭിഭാഷകനും സാമൂഹികപ്രവർത്തകനുമായ അഡ്വ. പ്രശാന്ത് ഭൂഷണിനെ പരിഹസിച്ച് പാക് ക്രിക്കറ്റ് താരം ഡാനിഷ് കനേരിയ . കങ്കണ രാജ്യത്തിന് വേണ്ടി പല നല്ല കാര്യങ്ങളും ചെയ്തിട്ടുണ്ടെന്നും , നിങ്ങൾ എന്ത് ചെയ്തുവെന്നുമാണ് ഡാനിഷ് കനേരിയ ചോദിക്കുന്നത് .
വിജയദശമി ദിനത്തിൽ ഡൽഹി രാംലീല മൈതാനത്ത് സംഘടിപ്പിച്ച രാംലീലയിൽ നടി കങ്കണ റണാവത്ത് പങ്കെടുത്തിരുന്നു. ഈ സമയത്ത് രാവണദഹൻ എന്ന പരിപാടിയിലും പങ്കെടുത്തു. എന്നാൽ അതിനു പിന്നാലെ ചെയ്ത ട്വീറ്റിൽ കങ്കണയെ വഞ്ചകിയെന്നാണ് പ്രശാന്ത് ഭൂഷൺ വിശേഷിപ്പിച്ചത് . കങ്കണയുടെ മണികർണിക എന്ന ചിത്രത്തെ പരാമർശിക്കുകയായിരുന്നു പ്രശാന്ത് ഭൂഷൺ. ഈ ചിത്രത്തിൽ ‘ഝാൻസി കി റാണി’ എന്ന കഥാപാത്രത്തെയാണ് അവർ അവതരിപ്പിച്ചത് . ഇതിനെതിരെയായിരുന്നു ഡാനിഷ് കനേരിയയുടെ ട്വീറ്റ് .
“ഒരാളെ കളിയാക്കുന്നത് വളരെ എളുപ്പമാണ്. കങ്കണ തന്റെ യഥാർത്ഥ ജീവിതത്തിൽ രാജ്യത്തിന് വേണ്ടി എന്തെങ്കിലുമൊക്കെ നല്ലത് ചെയ്തിട്ടുണ്ടെങ്കിലും നിങ്ങൾ യഥാർത്ഥ ജീവിതത്തിൽ നല്ലതൊന്നും ചെയ്യുന്നില്ല.“ ഡാനിഷ് കനേരിയ പറയുന്നു . കങ്കണയുടെ മണികർണിക എന്ന ചിത്രത്തെ പ്രശംസിച്ച കനേരിയ, ചിത്രം എല്ലാവരും ഒരിക്കൽ എങ്കിലും കാണണമെന്നും പറഞ്ഞു.
