ലക്നൗ : ഉത്തര്‍പ്രദേശിലെ ഗുണ്ടാ നേതാവും ബഹുജന്‍ സമാജ്‌വാദി പാര്‍ട്ടി മുന്‍ എംപിയും എംഎല്‍എയു മായിരുന്ന മുഖ്താര്‍ അന്‍സാരിയെ കൊലക്കേസില്‍ പ്രാദേശിക കോടതി 10 വര്‍ഷം തടവിന് ശിക്ഷിച്ചു. സെപ്തംബര്‍ 25ന് അലഹബാദ് ഹൈക്കോടതി ജാമ്യം അനുവദിച്ചെങ്കിലും മറ്റ് പല കേസുകളിലും പ്രതിയായതിനാല്‍ ജയിലില്‍ കഴിയുകയായിരുന്നു മുഖ്താര്‍ അന്‍സാരി. 2009ല്‍ പോലീസ് ഉദ്യോഗസ്ഥന്‍ കപില്‍ദേവ് സിങ്ങിനെ കൊലപ്പെടുത്തിയ കേസിലാണ് നിലവിലെ ശിക്ഷ.
മുഖ്താർ അൻസാരിക്കെതിരെ 65 കേസുകളാണ് രജിസ്റ്റർ ചെയ്തിരിക്കുന്നത്. മുഖ്താറിന്റെ അംഗങ്ങൾക്കും കൂട്ടാളികൾക്കും എതിരെ ഇതുവരെ 156 കേസുകൾ രജിസ്റ്റർ ചെയ്തിട്ടുണ്ട്. കൂടാതെ, മാഫിയയുമായി ബന്ധപ്പെട്ട 175 ആയുധ ഉടമകൾക്കെതിരെ നടപടി സ്വീകരിച്ചിട്ടുണ്ട്. ഇതിനുപുറമെ, സംഘത്തിലെ 5 മാഫിയകളും കൂട്ടാളികളും പോലീസ് ഏറ്റുമുട്ടലിൽ കൊല്ലപ്പെട്ടു.
മുഖ്താർ അൻസാരിയുടെ 605 കോടിയിലധികം രൂപയുടെ സ്വത്തുക്കൾ യുപി സർക്കാർ കണ്ടുകെട്ടി . പ്രതികളുടെ 215 കോടി രൂപയിലധികം വിലമതിക്കുന്ന അനധികൃത ബിസിനസുകളും അടച്ചുപൂട്ടി.
