മൂന്നാർ മുതൽ ഗവി വരെ സംസ്ഥാനത്തെ പ്രമുഖ വിനോദ സഞ്ചാര കേന്ദ്രങ്ങളിലേക്കെല്ലാം വിനോദ സഞ്ചാര യാത്രാ പാക്കേജുകൾ പ്രഖ്യാപിച്ച് കെഎസ്ആർടിസി. കോഴിക്കോട് കെഎസ്ആർടിസി ബജറ്റ് ടൂറിസം സെല്ലാണ് നവംബറിലേക്കുള്ള യാത്രാ പാക്കേജുകൾ പ്രഖ്യാപിച്ചിരിക്കുന്നത്. നവംബറിൽ ആകെ 18 പാക്കേജുകളാണ് കോഴിക്കോട് നിന്ന് പുറപ്പെടുന്നത്.
360-ൽ തുടങ്ങി 4,460 രൂപ വരെയാണ് പാക്കേജുകളുടെ ടിക്കറ്റ് നിരക്ക്. ജാനകിക്കാടിലേക്കാണ് ഏറ്റവും കുറഞ്ഞ ടിക്കറ്റ് നിരക്കായ 360 രൂപയ്ക്ക് യാത്ര ചെയ്യാനാകുന്നത്. 4,460 രൂപ നിരക്കിൽ വാഗമൺ കുമളി യാത്രയാണ് ദീർഘമേറിയ യാത്ര. ജനപ്രിയ യാത്രകളിൽ ഒന്നായ ഗവി- പരുന്തുംപാറ യാത്രയ്ക്ക് 3,400 രൂപയാണ് ടിക്കറ്റ് നിരക്ക്.
കൂടാതെ സൈലന്റ് വാലി, മൂന്നാർ, നെല്ലിയാമ്പതി, തുഷാരഗിരി, തൊള്ളായിരംകണ്ടി, മലമ്പുഴ എന്നിവിടങ്ങളിലേക്കുള്ള യാത്രകളും സജ്ജമാക്കിയിട്ടുണ്ട്. എല്ലാ യാത്രകളും പുറപ്പെടുക കോഴിക്കോട് കെഎസ്ആർടിസി സ്റ്റാന്റിൽ നിന്നുമാണ്. ചില പാക്കേജുകളിൽ താമസവും ഭക്ഷണവും സജ്ജമാക്കിയിട്ടുണ്ട്. അന്വേഷണങ്ങൾക്കും ബുക്കിംഗിനുമായി 9544477954, 9961761708 എന്നീ നമ്പറുകളിൽ ബന്ധപ്പെടാവുന്നതാണ്.