തിരുവനന്തപുരം: പെരുമാതുറ മാടൻവിളയിലെ വീടുകൾക്ക് നേരെ നാടൻ ബോംബ് എറിഞ്ഞു. ജംഗ്ഷനിൽ നിന്നവർക്ക് നേരെയും, വീടുകൾക്ക് നേരയുമാണ് ബോംബ് എറിഞ്ഞത്. നാലിടങ്ങളിലായാണ് ബോംബ്പൊട്ടിയത്. കഴിഞ്ഞ ദിവസം രാത്രി 10.30 ഓടെയാണ് സംഭവം.
ആക്രമണത്തിൽ രണ്ടുപേർക്ക് പരിക്കേറ്റു. മാടൻവിള സ്വദേശികളായ അർഷിത്, ഹുസെെൻ എന്നിവർക്കാണ് പരിക്കേറ്റത്. ഇവരെ ചിറയിൻകീഴ് താലൂക്ക് ആശുപത്രിയിലേയ്‌ക്ക് മാറ്റി.
കാറിലെത്തിയ നാലംഗ സംഘമാണ് ബോംബാക്രമണം നടത്തിയത്. ആക്രമണത്തിൽ വീടുകൾക്കും വാഹനങ്ങൾക്കും കേടുപാടുകൾ സംഭവിച്ചിട്ടുണ്ട്. സംഭവത്തെ തുടർന്ന് കഠിനംകുളം പോലീസ് സ്ഥലത്തെത്തി അന്വേഷണം ആരംഭിച്ചിരിക്കുകയാണ്. സംഭവത്തിൽ ആരെയും ഇതുവരെ പിടികൂടിയിട്ടില്ല.
