താരദമ്പതികളായ ആലിയ ഭട്ടിന്റെയും രൺബീർ കപൂറിന്റെയും മകളുടെ ആദ്യ പിറന്നാളായിരുന്നു ഇന്നലെ. മകളുടെ ഒന്നാം പിറന്നാൾ ആഘോഷമാക്കിയിരിക്കുകയാണ് ഇരുവരും. പിറന്നാൾ ദിനത്തിലെ ചിത്രങ്ങളും ആലിയ സമൂഹമാദ്ധ്യമങ്ങളിൽ പങ്കുവെച്ചിട്ടുണ്ട്. റാഹ പിറന്നാള്‍ കേക്ക് വാരിക്കളിക്കുന്നതും മൂന്നുപേരും കൈയില്‍ പൂവ് പിടിച്ചിരിക്കുന്നതുമായ ചിത്രങ്ങളാണ് പോസ്റ്റ് ചെയ്തിരിക്കുന്നത്. ഇതിനോടൊപ്പം ഫ്രഞ്ച് ഗായിക എഡിത്ത് പിയാഫിന്റെ ‘ലാ വി എന്‍ റോസ്’ എന്ന ഗാനം റാഹയെ കേൾപ്പിച്ച് കൊടുക്കുന്ന ഒരു വീഡിയോയും കാണാവുന്നതാണ്.
ചിത്രങ്ങൾ പങ്കുവെച്ചുകൊണ്ട് ആലിയ റാഹയ്‌ക്ക് പിറന്നാൾ ആശംസയും നേർന്നിട്ടുണ്ട്. ‘ഞങ്ങളുടെ പ്രകാശം, ഞങ്ങളുടെ സന്തോഷം, ഞങ്ങളുടെ ജീവിതം. നീ എന്റെ ഗര്‍ഭത്തിലായിരിക്കെ ഞങ്ങള്‍ ഈ പാട്ട് നിനക്കായി പ്ലേ ചെയ്ത് തന്നിരുന്നു. അത് ഇന്നലെ കഴിഞ്ഞതു പോലെ തോനുന്നു. നീ ജീവിതത്തിലേക്ക് വന്നതോടെ ഞങ്ങൾ അനുഗ്രഹീതരായി. എല്ലാ ദിവസവും നീ എനിക്ക് സ്വാദിഷ്ഠമായ ഒരു ക്രീം കേക്കിന്റെ പോലെ തോന്നിക്കുന്നു. ബേബി ടൈഗറിന് പിറന്നാള്‍ ആശംസകള്‍. നിന്നെ ഒരുപാട് സ്‌നേഹിക്കുന്നു.’- ആലിയ ഇൻസ്റ്റാഗ്രാമിൽ കുറിച്ചു.
View this post on Instagram
റാഹയ്‌ക്ക് നിരവധി താരങ്ങൾ പിറന്നാൾ ആശംസകൾ നേർന്നിരുന്നു. ഇത് കൂടാതെ, ആലിയയുടെ അമ്മ സോണി റാസ്ദാന്‍, രണ്‍ബീറിന്റെ സഹോദരി റിധിമ കപൂര്‍ എന്നിവര്‍ റാഹയ്‌ക്ക് ആശംസ നേര്‍ന്നിട്ടുണ്ട്. ആലിയ ഭട്ടിന്റെ സഹോദരി ഷഹീന്‍ ഭട്ട്, രണ്‍ബീര്‍ കപൂറിന്റെ അമ്മ നീതു കപൂര്‍ എന്നിവരും റാഹയ്‌ക്ക് ആശംസയുമായി പോസ്റ്റ് പങ്കുവെച്ചിരുന്നു.
