എഞ്ചിനീയറിം​ഗ് ബിരുദം വേണ്ട, ഐടി മേഖലയിൽ ശോഭിക്കാൻ ആ​ഗ്രഹിക്കുന്നവർക്കായി ഇതാ ചില ജോലികൾ

ഐടി യു​ഗത്തിലാണ് നമ്മൾ കഴിയുന്നത്. വിരൽത്തുമ്പിൽ വിവരങ്ങൾ ലഭിക്കുന്നതിൽ വിസ്മയം കൊണ്ട കാലത്ത് നിന്നും എഐയുടെ കാലത്താണ് എത്തി നിൽക്കുന്നത്. ചിന്തിക്കാനും തിരിച്ചറിയാനും കഴിയുന്ന മനുഷ്യനെ സംശയത്തിന്റെ നിഴലിൽ നിർത്തുന്ന എഐ സാങ്കേതിക വിദ്യ എത്തിയിരിക്കുന്നു.

ഐടി മേഖലയിൽ തൊഴിലെടുക്കുന്നവരിൽ പലരും എഞ്ചിനീയറിം​ഗ് ബിരുദധാരിയാണ്. എന്നാൽ അഭിരുചിയും അഭിനിവേശവുമുള്ള ആർക്കും ഐടി മേഖലയിലെത്താവുന്നതാണ്. സാങ്കേതികവിദ്യയോടുള്ള അഭിനിവേശവും ഐടിയിൽ ജോലി ചെയ്യാനുള്ള ആഗ്രഹവുമുണ്ടെങ്കിൽ, പരിഗണിക്കേണ്ട ഏഴ് ആവേശകരമായ തൊഴിൽ ഓപ്ഷനുകൾ ഇതാ..

1) സോഫ്റ്റ് വെയർ ഡെവലപ്പർ:- കമ്പ്യൂട്ടർ സയൻസ് അല്ലെങ്കിൽ അനുബന്ധ ബിരുദം ഉള്ളവരെയാണ് ഈ തൊഴിലിന് പരി​ഗണിക്കുന്നതെങ്കിലും എല്ലായ്പ്പോഴും ഇത് നിർബന്ധമില്ല. സ്വയം പഠിപ്പിക്കുകയോ കോഡിംഗ് ബൂട്ട്‌ക്യാമ്പുകൾ പിന്തുടരുകയോ ചെയ്താണ് പലരും സോഫ്റ്റ്‌വെയർ ഡെവലപ്പർമാരായത്. ഉപയോക്താക്കളുടെ ആവശ്യങ്ങൾ നിറവേറ്റുന്ന സോഫ്റ്റ്‌വെയർ കോഡ് ചെയ്യാനും സൃഷ്ടിക്കാനുമുള്ള  കഴിവാണ് ഏറ്റവും പ്രധാനം.

2) വെബ് ഡെവലപ്പർ:- വൈദഗ്ധ്യം കൂടുതലുള്ള ഒരു മേഖലയാണ് വെബ് ഡെവലപ്പിം​ഗ്. ഓൺലൈൻ കോഴ്സുകൾ, ട്യൂട്ടോറിയലുകൾ, പ്രായോഗിക അനുഭവം എന്നിവയിലൂടെ നിങ്ങൾക്ക് HTML, CSS, JavaScript, മറ്റ് വെബ് സാങ്കേതികവിദ്യകൾ എന്നിവയിൽ പ്രാവീണ്യം നേടാൻ ഈ കോഴ്സ് സഹായിക്കും.

3) ഡാറ്റാ അനലിസ്റ്റ്:- സ്ഥിതി വിവര കണക്കുകൾ നൽകുന്നതിനും ഡാറ്റാ വ്യഖ്യാനിക്കുന്നതിനും വിശകലനം ചെയ്യുകയുമാണ് ഡാറ്റാ അനലിസ്റ്റുകൾ ചെയ്യേണ്ടത്. ഡാറ്റാ സയൻസിലോ അനുബന്ധ മേഖലയിലോ ഉള്ള ബിരുദം സഹായകരമാകുമെങ്കിലും പലപ്പോഴും പൈത്തൺ, SQL, ഡാറ്റാ മാനുപിലേഷൻ തുടങ്ങിയവ ഉപയോ​ഗിക്കാൻ അറിയുന്നവർക്കാണ് തൊഴിലിടങ്ങളിൽ കൂടുതൽ മുൻ​ഗണന.

4) നെറ്റ്‌വർക്ക് അഡ്‌മിനിസ്‌ട്രേറ്റർ:- ഒരു സ്ഥാപനത്തിന്റെ കമ്പ്യൂട്ടർ നെറ്റ്‌വർക്കുകൾ നിയന്ത്രിക്കുന്നവരാണ് നെറ്റ്‌വർക്ക് അഡ്മിനിസ്ട്രേറ്റർമാർ. CompTIA Network+ അല്ലെങ്കിൽ Cisco Certified Network Associate (CCNA) പോലുള്ള ഒരു സർട്ടിഫിക്കേഷൻ ഉപയോഗിച്ച് നിങ്ങൾക്ക് ഈ ഫീൽഡിൽ പ്രവേശിക്കാം.

5) ഐടി സപ്പോർട്ട് സ്പെഷ്യലിസ്റ്റ്:- സാങ്കേതികവിദ്യയുമായി ബന്ധപ്പെട്ട പ്രശ്‌നങ്ങൾക്ക് പരിഹാരം കണ്ടെത്തുന്നവരാണ് ഐടി സപ്പോർട്ട് സ്പെഷ്യലിസ്റ്റ്. CompTIA A+ പോലുള്ള സർട്ടിഫിക്കേഷൻ കോഴ്സുകൾ പൂർത്തിയാക്കുന്നവർക്ക് സാങ്കേതിക മേഖലയിൽ വമ്പൻ അവസരങ്ങളാണ് ലഭിക്കുക.

6) സൈബർ സെക്യൂരിറ്റി അനലിസ്റ്റ്:- സൈബർ സുരക്ഷാ ഭീഷണികളും പരിഹാര നടപടികളും കണ്ടെത്തുന്നതിൽ വളരെ വലിയ പങ്ക് വഹിക്കുന്നവരാണ് സൈബർ സെക്യൂരിറ്റി അനലിസ്റ്റ്. CompTIA Security+ , Certified Information Systems Security Professional (CISSP) എന്നീ സർട്ടിഫിക്കേഷനുകൾ ഉള്ളവർക്ക് മേഖലയിൽ ശോഭിക്കാവുന്നതാണ്.

7) ഡാറ്റാ സയന്റിസ്റ്റ്:- സങ്കീർണമായ ഡാറ്റകളെ വിശകലനം ചെയ്ത് വിവരങ്ങൾ കണ്ടെത്തുകയാണ് ഡാറ്റാ സയന്റിസ്റ്റിന്റെ ധർമം. ഗണിതശാസ്ത്രം, സ്ഥിതിവിവരക്കണക്ക്, പ്രോഗ്രാമിംഗ് എന്നിവയിൽ പ്രാവീണ്യമുള്ളവർക്ക് മേഖലയിൽ പ്രവേശിക്കാം.