മകള് റാഹയുടെ മുഖം സമൂഹമാദ്ധ്യമങ്ങളിൽ പ്രചരിച്ചപ്പോള് താന് തകര്ന്നു പോയെന്ന് നടി ആലിയ ഭട്ട്. പ്രസവശേഷം ശരീരം പഴയ അവസ്ഥയിലേക്ക് വരാൻ സമയമെടുക്കുെമെന്നും താരം പറഞ്ഞു. രൺബീർ മകളെ എങ്ങനെയാണ് ശ്രദ്ധിക്കുന്നതെന്നും പൊതു സമൂഹത്തിൽ നിന്നും മകളുടെ മുഖം മറച്ചു പിടിക്കുന്നതിനെക്കുറിച്ചും ആലിയ പറഞ്ഞിരുന്നു. അടുത്തിടെ കരീന കപൂറിനൊപ്പം കോഫി വിത്ത് കരണ് ഷോയില് പങ്കെടുത്തപ്പോള് മകളെക്കുറിച്ച് പറഞ്ഞ കാര്യങ്ങളാണ് ഇപ്പോൾ ശ്രദ്ധ നേടുന്നത്.
‘എന്ത് പറഞ്ഞാലും പ്രസവശേഷം ശരീരം പഴയ അവസ്ഥയിലേക്ക് വരാൻ സമയമെടുക്കും. ആ സമയത്ത് എനിക്ക് എന്തൊക്കെയോ മാറ്റങ്ങൾ സംഭവിക്കുന്നതായി തോന്നി. രാത്രി ഉറക്കം പോലുമില്ലായിരുന്നു. ഞാൻ റാഹയ്ക്ക് ആഹാരമെല്ലാം നൽകുമായിരുന്നെങ്കിലും ഷൂട്ടും മറ്റ് കാര്യങ്ങളുമായി തിരക്കായി മാറിയിട്ടുണ്ട്.
ആ സമയത്ത് രണ്ബിറിനെ വിളിച്ച് എനിക്ക് വളരെ ബുദ്ധിമുട്ടാണ്’ എന്നൊക്കെ പറഞ്ഞത് എനിക്ക് ഓര്മ്മയുണ്ട്. പിന്നെ രൺബീർ തന്റെ ജോലി മാറ്റിവച്ചു. റാഹയുമായി എന്റെ അടുക്കലേക്ക് വന്നിരുന്നു. അത് എനിക്ക് ശരിക്കും ആശ്വാസകരമായിരുന്നു. പക്ഷെ, ആ സമയത്താണ് റാഹയുടെ മുഖത്തിന്റെ ഒരു വശം കാണുന്ന ചിത്രം പുറത്ത് വന്നത്. ആ ചിത്രം കണ്ട് ഞാൻ ആകെ തകർന്നു.
റോക്കി ഔര് റാണി കി പ്രേം കഹാനിയുടെ കശ്മീരിലെ ഷെഡ്യൂളിനിടെ ആയിരുന്നു എന്ന് തോന്നുന്നു റാഹയുടെ ഒരു ചിത്രം പുറത്തുവന്നത്. എന്നെ സംബന്ധിച്ച് വളരെ ബുദ്ധിമുട്ടുള്ള ഒരു ഷെഡ്യൂളായിരുന്നു അത്. പ്രസവ ശേഷമുള്ള ആദ്യത്തെ ഷൂട്ട് ആയിരുന്നു അത്.
മകളെന്നാല് രണ്ബീറിന് ജീവനാണ്. ചിലപ്പോഴൊക്കെ കണ്ണിമ ചിമ്മാതെ റാഹയെ നോക്കിയിരിക്കുന്നത് കാണാം. മകള്ക്കൊപ്പം കളിക്കാന് രണ്ബീര് എപ്പോഴും സമയം കണ്ടെത്താറുണ്ട്. റാഹയുടെ വളര്ച്ചയുടെ ഓരോ ഘട്ടത്തിലും അതീവശ്രദ്ധ പുലര്ത്തുന്ന വ്യക്തിയാണ് രണ്ബീര്. എപ്പോഴും രണ്ബീര് റാഹയെ എടുത്തുനടക്കും. ചിലപ്പോഴൊക്കെ പിടിച്ചു വാങ്ങേണ്ടി വന്നിട്ടുണ്ട്.’- ആലിയ പറഞ്ഞു.