രാജ്യത്തെ ബ്രാഡ്ബാൻഡ് മേഖലയിലും മികച്ച സേവനമാണ് ബിഎസ്എൽഎൽ നൽകുന്നത്. ബിഎസ്എൻഎൽ ലാൻഡ്ലൈൻ/ഫൈബർ സേവനങ്ങൾ ഇനി വാട്സ്ആപ്പ് വഴിയും ലഭ്യമാകും. ബിൽ കാണാനും അടയ്ക്കാനും അടക്കം ഇതിൽ സൗകര്യമുണ്ടാകും.
പുതിയ ചാറ്റ്ബോട്ട് പ്രവർത്തനം ആരംഭിച്ച് കഴിഞ്ഞു. ആർക്കും ബിഎസ്എൻഎൽ ചാറ്റ്ബോട്ടിന്റെ സഹായത്തോടെ ആവശ്യമായ വിവരങ്ങൾ അറിയാൻ കഴിയും. പുതിയ ഫൈബർ ബ്രോഡ്ബാൻഡിനുള്ള ഓപ്ഷൻ, പരാതി അയയ്ക്കാനുള്ള സംവിധാനം അടക്കമുണ്ട്. ചാറ്റ്ബോട്ടുമായി ബന്ധപ്പെടാവുന്നതാണ്.
18004444 എന്ന നമ്പർ ഫോണിൽ സേവ് ചെയ്ത ശേഷം വാട്സ്ആപ്പിൽ തുറക്കുക. പച്ച ടിക് മാർക് ഉണ്ടെന്ന് ഉറപ്പാക്കുക. ബിഎസ്എൻഎൽ സേവനങ്ങൾ റജിസ്റ്റർ ചെയ്തിരിക്കുന്ന മൊബൈൽ നമ്പറിൽ നിന്ന് ‘Hi’ അയയ്ക്കുക. പിന്നാലെ ‘Welcome to BSNL customer Helpline’ എന്ന മെസേജ് ലഭിക്കും. ഇതിൽ മെയിൻ മെനു തുറന്നാൽ വിവിധ സേവനങ്ങളുടെ പട്ടിക കാണാം. ഇഷ്ടമുള്ളത് തിരഞ്ഞെടുക്കാം.
പുതിയ ഫൈബർ കണക്ഷൻ എടുക്കാൻ ‘ബുക്ക് മൈ ഫൈബർ’ ഓപ്ഷൻ തിരഞ്ഞെടുക്കുക. ലൊക്കേഷനു വേണ്ടി പിൻകോഡും നൽകണം. നിലവിലുള്ള ഫൈബർ പ്ലാൻ അപ്ഗ്രേഡ് ചെയ്യാനും കഴിയും. ‘Book a complaint’ വഴി പരാതി നൽകാം. ഉപയോക്താക്കൾക്ക് തങ്ങളുടെ ബില്ലുകൾ, ഇൻവോയ്സുകൾ, ഉപയോഗത്തിന്റെ ഡീറ്റെയിൽസ് എന്നിവ ആക്സസ് ചെയ്യുകയും കാണുകയും ചെയ്യാം ഇവ സൂക്ഷിച്ച വയ്ക്കാനായി വേണമെങ്കിൽ പിഡിഎഫ് ഇൻവോയ്സുകൾ ഡൗൺലോഡ് ചെയ്യുകയും ചെയ്യാം.