2025-ലെ ചാമ്പ്യൻസ് ട്രോഫി ക്രിക്കറ്റിന് പാകിസ്താൻ ആതിഥേയത്വം വഹിക്കില്ലെന്ന് റിപ്പോർട്ടുകൾ. യുഎഇയിലോ ഹൈബ്രിഡ് മോഡലിലോ ചാമ്പ്യൻസ്ട്രോഫി ടൂർണമെന്റ് നടത്താനാണ് ഐസിസി ശ്രമിക്കുന്നത്. ഇന്ത്യയും പാകിസ്താനും തമ്മിലുള്ള നയതന്ത്ര പ്രശ്നമാണ് വേദിമാറ്റത്തിന് കാരണമെന്നാണ് റിപ്പോർട്ടുകൾ സൂചിപ്പിക്കുന്നത്. ടൂർണമെന്റിന്റെ വേദി ഉടൻ തന്നെ ഐസിസി പ്രഖ്യാപിക്കും.
1996-ന് ശേഷം പാകിസ്താൻ വേദിയാകുന്ന പ്രധാന ഐസിസി ടൂർണമെന്റായിരുന്നു 2025ലെ ചാമ്പ്യൻസ് ട്രോഫി. ഏഷ്യാ കപ്പ് പാകിസ്താനിൽ നടത്താനാണ് തീരുമാനിച്ചിരുന്നതെങ്കിലും ഇന്ത്യ പങ്കെടുക്കില്ലെന്ന് അറിയിച്ചതോടെ ശ്രീലങ്കയിലും കൂടി ഏഷ്യാ കപ്പിന്റെ ഒരുങ്ങുകയായിരുന്നു. തുടർന്ന് ഇന്ത്യയുടെ മത്സരങ്ങളും ഫൈനലും ഉൾപ്പെടെ ശ്രീലങ്കയിൽ നടത്തുകയായിരുന്നു. എന്നാൽ, ചാമ്പ്യൻസ് ട്രോഫി വേദിമാറ്റത്തെ പറ്റി ഐസിസിയോ പിസിബിയോ ഇതുവരെയും പ്രതികരിക്കാൻ തയ്യാറായിട്ടില്ല.