ചെന്നൈ: സഹോദരൻ ആർ പ്രജ്ഞാനന്ദയ്‌ക്ക് പിന്നാലെ ചരിത്രം കുറിച്ച് സഹോദരി വൈശാലി രമേശ് ബാബു. ഇന്ത്യയുടെ മൂന്നാമത് വനിതാ ഗ്രാൻഡ്മാസ്റ്ററെന്ന നേട്ടമാണ് വൈശാലിയ്‌ക്ക് സ്വന്തമായത്. എല്ലോബ്രെഗട്ട് ഓപ്പണിൽ 2500 പോയിന്റ് മറികടന്നാണ് താരം ഈ നേട്ടം സ്വന്തമാക്കിയത്. രണ്ടാം റൗണ്ടിൽ തുർക്കിയുടെ ടാമർ താരിക് സെൽബസിനെയാണ് വൈശാലി തോൽപ്പിച്ചത്.
ചരിത്രത്തിലെ ആദ്യ ഗ്രാൻഡ്മാസ്റ്റർ സഹോദരങ്ങളെന്ന അപൂർവ്വ നേട്ടവും ഇതോടെ വൈശാലിയ്‌ക്കും പ്രജ്ഞാനന്ദയ്‌ക്കും സ്വന്തമായി. കോനേരു ഹംപി, ഹരിക ദ്രോണവല്ലി എന്നിവരാണ് ഇതിന് മുമ്പ് ഗ്രാൻഡ്മാസ്റ്റർ പദവിയിലെത്തിയ ഇന്ത്യൻ വനിതകൾ. 2018-ൽ തന്റെ 13-ാം വയസിലാണ് പ്രജ്ഞാനന്ദ ഗ്രാൻഡ്മാസ്റ്റർ പദവിയിലെത്തിയത്.
