മൃഗങ്ങളിൽ നിന്ന് മനുഷ്യനെ വേറിട്ട് നിർത്തുന്ന നിരവധി സവിശേഷതകളുണ്ട്. അതിലൊന്നാണ് വിവേകബുദ്ധി. എന്നാൽ സ്വയമേ ലിംഗമാറ്റം നടത്താമെന്ന അപൂർവ്വ സവിശേഷത മനുഷ്യനില്ല. ശസ്ത്രക്രിയയിലൂടെ മാത്രം മനുഷ്യർക്ക് സാധ്യമാകുന്ന ലിംഗമാറ്റമെന്നത് മൃഗങ്ങൾക്ക് വളരെ എളുപ്പത്തിൽ ചെയ്യാനാകും. ഇതിന് കഴിയുന്ന 5 ജീവികളെ പരിചയപ്പെടാം..
പുരുഷ-സ്ത്രീ ലിംഗങ്ങൾ ഒരുപോലെ ശരീരത്തിലുണ്ടാകുന്ന ജീവികൾക്കാണ് സ്വമേധയാ ലിംഗമാറ്റം നടത്താൻ സാധിക്കുക. ഇവയെ ഹെർമഫ്രോഡെയ്റ്റ് എന്ന് വിശേഷിപ്പിക്കുന്നു.
ക്ലൗൺഫിഷ്
ഹെർമഫ്രോഡെയ്റ്റ് ഗണത്തിലെ പ്രധാനിയാണ് ക്ലൗൺഫിഷ്. ഇവയുടെ ഗ്രൂപ്പിലെ സ്ത്രീ ലിംഗമുള്ള മത്സ്യം ചത്തുപോകുമ്പോൾ ശേഷിക്കുന്ന പുരുഷമത്സ്യങ്ങളിലെ ഒന്ന് സ്ത്രീലിംഗം സ്വീകരിക്കുന്നു.
ബിയേർഡഡ് ഡ്രാഗൺ
ഒരുതരം പല്ലികളാണിവ. അടയിരിക്കുന്ന സമയത്ത് ലിംഗമാറ്റം നടത്തുന്ന ജീവികളാണിത്. ആൺ ഡ്രാഗണുകൾ പെണ്ണായി മാറി അടയിരിക്കാൻ ആരംഭിക്കുന്നു. ഇതോടെ സ്ത്രീ ഡ്രാഗണുകളുടെ സ്വഭാവ സവിശേഷതകളായിരിക്കും ഇവയ്ക്കുണ്ടായിരിക്കുക.
ഒച്ച്
ആണിന്റെയും പെണ്ണിന്റെയും പ്രത്യുത്പാദന അവയവങ്ങൾ ചിലയിനം ഒച്ചുകൾക്കുണ്ട്. അതിനാൽ ഇവ ആവശ്യത്തിന് അനുസരിച്ച് ലിംഗമാറ്റം നടത്തുന്നു. ഒച്ചുകൾക്ക് സ്വയം പ്രത്യുത്പാദനം നടത്താനുള്ള കഴിവുമുണ്ട്. എങ്കിലും അവ പൊതുവെ ഇണകളെ തേടുന്നതാണ് പതിവ്.
ഹൗക്ക്ഫിഷ്
പുരുഷ മത്സ്യങ്ങളുടെ വലിയ കൂട്ടമായാണ് പൊതുവെ ഇവയെ കാണപ്പെടുക. സ്ത്രീലിംഗവുമായി ജനിക്കുമെങ്കിലും പിന്നീട് ആവശ്യനുസരണം ഇവ ലിംഗമാറ്റം നടത്തുന്നു. കൂട്ടത്തിൽ പുരുഷ മത്സ്യങ്ങൾ കുറവാകുമ്പോഴാണ് ഇവ സ്വയമേ മാറുന്നത്.
നോർത്തേൺ കാർഡിനൽ
ഈ പക്ഷികളിൽ സ്ത്രീലിംഗമുള്ളവർക്ക് പിന്നീട് പുരുഷലിംഗം സ്വീകരിക്കാൻ സാധിക്കും. കൂട്ടത്തിൽ ഇണയെ കിട്ടാതെ വരുമ്പോഴാണ് ഇവ ലിംഗമാറ്റം നടത്തുന്നത്.
