ഐസിസി ടി20 റാങ്കിംഗിൽ മേധാവിത്വം തുടർന്ന് ഇന്ത്യൻ താരങ്ങൾ. പുതിയ റാങ്കിംഗ് പുറത്തുവന്നപ്പോൾ ബൗളര്മാരുടെ പട്ടികയിൽ റാഷിദ് ഖാനെ മറികടന്ന് രവി ബിഷ്ണോയ് ഒന്നാം റാങ്കുകാരനായി. ബാറ്റിംഗ് പട്ടികയിൽ നിലവിലെ ടി20 നായകൻ സൂര്യകുമാറാണ് തലപ്പത്തുള്ളത്.
ഓസ്ട്രേലിയൻ പരമ്പയിൽ അഞ്ചു മത്സരങ്ങളിൽ നിന്ന് 9 വിക്കറ്റുകളാണ് താരം നേടിയത്.ദക്ഷിണാഫ്രിക്കൻ പരമ്പയിലും താരം ഇടം നേടിയിട്ടുണ്ട്. ടി20 ഫോർമാറ്റിലാണ് ഉൾപ്പെടുത്തിയിരിക്കുന്നത്. ഇതാണ് റാങ്കിംഗിലെ കുതിപ്പിന് ബലമേകിയത്. 699 റേറ്റിംഗാണ് താരത്തിനുള്ളത്. റാഷിദ് ഖാന് 692 ഉം. മൂന്നാം സ്ഥാനത്ത് ലങ്കൻ താരം വാനിന്ദു ഹസരംഗയാണ്.
ബാറ്റർമാരുടെ പട്ടികയിൽ 855 റേറ്റിംഗുമായി ബഹുദൂരം മുന്നിലാണ് സൂര്യകുമാർ യാദവ്. രണ്ടാം സ്ഥാനത്തുള്ള പാക് താരം റിസ്വാനുള്ളത് 787 പോയിൻ്റാണ്.ഓള്റൗണ്ടര്മാരുടെ പട്ടികയിൽ ഷാക്കിബ് അൽഹസാണ് ഒന്നാമതുള്ളത്. രണ്ടാം സ്ഥാനത്ത് അഫ്ഗാനിസ്ഥാൻ മുഹമ്മദ് നബിയും.
