ചെന്നൈ: മിഷോങ് ചുഴലിക്കാറ്റിനെ തുടർന്ന് ചെന്നൈയിലേക്കുള്ള രണ്ടു ട്രെയിനുകൾ കൂടി റദ്ദാക്കി. ഇന്ന് മംഗളൂരുവിൽ നിന്ന് പുറപ്പെടാനിരുന്ന മംഗളൂരു-ചെന്നൈ സൂപ്പർ ഫാസ്റ്റ് എക്സ്പ്രസ് (12686), മംഗളൂരു-ചെന്നൈ എഗ്മോർ എക്സ്പ്രസ് (16160) എന്നിവയാണ് റദ്ദാക്കിയത്.
അതേസമയം ഇന്ന് വൈകിട്ട് 3.30 ന് ചെന്നൈ സെൻട്രലിൽ നിന്നും പുറപ്പെടേണ്ടിയിരുന്ന ചെന്നൈ സെൻട്രൽ-മംഗളൂരു സൂപ്പർഫാസ്റ്റ് (12685) താംബരത്തു നിന്നുമായിരിക്കും പുറപ്പെടുക. ചെന്നൈ എഗ്മോർ, ചെന്നൈ ബീച്ച്, പെരമ്പൂർ വഴിയായിരിക്കും യാത്ര. പെരമ്പൂരിൽ നിന്നും വൈകീട്ട് 4.20നാണ് പുറപ്പെടുക. ചെന്നൈ സെൻട്രലിൽ നിന്നും പുറപ്പെടേണ്ടിയിരുന്ന ചെന്നൈ സെൻട്രൽ-തിരുവനന്തപുരം മെയിൽ (12695) ഇന്ന് വൈകീട്ട് മൂന്നിന് താംബരത്തു നിന്നുമായിരിക്കും പുറപ്പെടുക.
