ക്രിസ്തുമസ് പരീക്ഷകൾ എത്തിയെങ്കിലും അതു കഴിഞ്ഞുള്ള അവധിക്കാലം സ്വപ്‌നം
കണ്ടിരിക്കുകയായിരിക്കും കുട്ടികളെപോലെ തന്നെ മുതിർന്നവരും. മിക്കവരും ട്രക്കിംഗും ബീച്ചുകളുമൊക്കെയായിരിക്കും അവധിക്കാലം അടിച്ചുപൊളിക്കാൻ തിരഞ്ഞെടുക്കുന്നത്. അങ്ങനെയാണെങ്കിൽ നേരെ ഈ ബീച്ചുകളിൽ അവധിക്കാലം ആഘോഷിക്കാൻ വിട്ടോളൂ..
രാധാനഗർ ബീച്ച്
ആൻഡമാൻ നിക്കോബാർ ദ്വീപിലാണ് രാധാനഗർ ബീച്ചുള്ളത്. അവധിക്കാലത്ത് മറ്റു കാഴ്ചകളും കണ്ട് ദൂരയാത്ര ചെയ്യണമെന്ന് ആഗ്രഹിക്കുന്നവർക്ക് ആൻഡമാൻ നിക്കോബാറിലെ രാധാനഗർ ബീച്ച് തിരഞ്ഞെടുക്കാം. വെള്ള നിറത്തിലുള്ള മണൽത്തരികളും ക്രിസ്റ്റൽ പോലെ തിളങ്ങുന്ന വെള്ളവുമാണ് ഈ ബീച്ചിന്റെ പ്രത്യേകത.
തർക്കാലി ബീച്ച്
മഹാരാഷ്‌ട്രയിലാണ് തർക്കാലി ബീച്ചുള്ളത്. ബീച്ചിനു മുകളിലൂടെയുള്ള പാരാഗ്ലൈഡിംഗിനും, ബിച്ച് സവാരികൾക്കും പേരു കേട്ടയിടമാണിത്. സാഹസികത ഇഷ്ടപ്പെടുന്നവർക്ക് തിരഞ്ഞെടുക്കാവുന്ന ബീച്ചാണ് തർക്കാലി.
കോവളം
കേരളത്തിലെ തിരുവനന്തപുരം ജില്ലയിലുള്ള കോവളം ഇന്ത്യക്കാരെ പോലെ തന്നെ വിദേശീയരെയും ആകർഷിക്കുന്ന ബീച്ചാണ്. പ്രകൃതി ഭംഗി ആസ്വദിച്ച് അവധിക്കാലം കോവളം ബീച്ചിലും ചെലവഴിക്കാം.
ധനുഷ്‌കോടി
തമിഴ്‌നാട്ടിലെ ധനുഷ്‌കോടിയാണ് അടുത്ത സ്ഥലം. കേവലം ഒരു ബീച്ച് എന്നതിലുപരി ചരിത്രപ്രാധാന്യമുള്ള ഒരു വിനോദസഞ്ചാര കേന്ദ്രം കൂടിയാണ് ധനുഷ്‌കോടി. ഇവിടെയെത്തുന്ന വിനോദസഞ്ചാരികളെ മനോഹരമായ നിരവധി കാഴ്ചകളാണ് സ്വാഗതം ചെയ്യുന്നത്.
