മുംബൈ: ഇന്ത്യൻ രഹസ്യവിവരങ്ങൾ ശത്രുരാജ്യത്തിന് ചോർത്തി നൽകിയ വ്യക്തിയെ അറസ്റ്റ് ചെയ്ത് മഹാരാഷ്ട്ര എടിഎസ്. 23 കാരനായ ഗൗരവ് പാട്ടീലാണ് എടിഎസ്സിന്റെ പിടിയിലായതെന്നാണ് റിപ്പോർട്ട്. സർക്കാരിനെ സംബന്ധിക്കുന്ന രഹസ്യവിവരങ്ങൾ പാകിസ്താൻ ഏജൻസിയുമായി പങ്കുവെച്ചതിന് തുടർന്നാണ് ഇയാളുടെ അറസ്റ്റ്. സമൂഹമാദ്ധ്യമങ്ങളായ വാട്‌സ്ആപ്പിലൂടെയും ഫെയ്‌സ്ബുക്കിലൂടെയുമാണ് ഇയാൾ പാക് ഏജൻസിയുമായി ബന്ധപ്പെട്ടിരുന്നത്.
പാകിസ്താൻ ആസ്ഥാനമായുള്ള പിഐഒ ഏജന്റിനാണ് ഇയാൾ രഹസ്യവിവരങ്ങൾ ചോർത്തി നൽകിയിരുന്നത്. 4 പേർക്കെതിരെ കേസെടുത്തിരിക്കുന്നത്. രഹസ്യവിവരങ്ങൾ പങ്കുവെക്കുന്നതിനിടെ മറ്റ് മൂന്ന് പ്രതികളും ഗൗരവുമായി ബന്ധപ്പെട്ടിരുന്നുവെന്ന് എടിഎസ് പ്രസ്താവനയിൽ പറഞ്ഞു.
