കൊച്ചി: എളമക്കരയിൽ അമ്മയുടെയും കാമുകന്റെയും ക്രൂര മർദ്ദനത്തെ തുടർന്ന് കൊല്ലപ്പെട്ട ഒന്നര മാസം പ്രായമായ കുഞ്ഞിന്റെ സംസ്കാരം നടന്നു. പോലീസിന്റെ നേതൃത്വത്തിലായിരുന്നു സംസ്കാര ചടങ്ങുകൾ. കുഞ്ഞിനെ ഏറ്റെടുക്കാൻ പിതാവും ബന്ധുക്കളും തയ്യാറായിരുന്നില്ല. ഇതിന് പിന്നാലെയാണ് പോലീസ് മൃതദേഹം ഏറ്റുവാങ്ങി സംസ്കരിച്ചത്.
ഈ മാസം മൂന്നിനാണ് അമ്മ അശ്വതിയുടെ കാമുകനായ ഷാനിഫ് കാൽമുട്ട് കൊണ്ട് കുഞ്ഞിന്റെ തലയിൽ ഇടിപ്പിച്ച് കൊലപ്പെടുത്തിയത്. കുഞ്ഞിന്റെ മരണം ഉറപ്പാക്കുന്നതിനായി ശരീരത്തിൽ കടിച്ചുനോക്കിയെന്നുള്ള വിവരവും ഷാനിഫ് ചോദ്യം ചെയ്യലിനിടെ തുറന്ന് പറഞ്ഞിരുന്നു. അശ്വതിക്ക് മറ്റൊരു ബന്ധത്തിലുണ്ടായ കുഞ്ഞിനെയാണ് ഇരുവരും ചേർന്ന് ക്രൂരമായി കൊന്നത്. ഷാനിഫുമായുള്ള ബന്ധത്തിൽ കുട്ടി ബാധ്യതയാകാതിരിക്കാനാണ് കൊല നടത്തിയത്,
