എറണാകുളം: വഴിയരികിൽ കിടന്ന് കിട്ടിയ സ്വർണാഭരണങ്ങൾ ഉടമയ്‌ക്ക് തിരികെ നൽകി ഓട്ടോറിക്ഷാ ഡ്രൈവർ. ആമ്പല്ലൂർ സ്വദേശി ഐത്താടൻ ശിവദാസാണ് ഉടമയെ കണ്ടെത്തി സ്വർണം തിരികെ നൽകിയത്. എട്ടു പവന്റെ സ്വർണാഭരണങ്ങളടങ്ങിയ ബാഗാണ് ഇന്നലെ രാവിലെ ആമ്പല്ലൂരിൽ നിന്ന് ശിവദാസന് ലഭിച്ചത്.
കല്ലൂർ സ്വദേശി ഡൊമിനിക്-ജോളി ദമ്പതികളുടെ മകളുടെ സ്വർണമാണ് ഓട്ടോറിക്ഷയിൽ പോകവെ നഷ്ടമായത്. ആമ്പല്ലൂർ സിഗ്നലിൽ നിന്നും മുന്നോട്ട് നീങ്ങവെ ബാഗ് റോഡിലേക്ക് വീഴുകയായിരുന്നു. യാത്രക്കാരും ഓട്ടോ ഡ്രൈവറും ബാഗ് നഷ്ടമായ വിവരം അറിഞ്ഞിരുന്നില്ല
വഴിയിൽ വീണ് കിടന്ന ബാഗും ആഭരണങ്ങളും ശിവദാസൻ എടുത്തു. ബാഗിലുണ്ടായിരുന്ന ആശുപത്രി ഒപി ടിക്കറ്റിൽ നൽകിയിരുന്ന നമ്പറിൽ വിളിച്ചാണ് സ്വർണം നഷ്ടമായവരെ കണ്ടെത്തിയത്. തുടർന്ന് ഓട്ടോസ്റ്റാൻഡിലേക്കെത്തിയ ഉടമയ്‌ക്ക് അദ്ദേഹം സ്വർണാഭരണങ്ങളടങ്ങിയ ബാഗ് കൈമാറി.
