സൂര്യ ആരാധകരെ നിരാശരാക്കി പുതിയ വാർത്ത. സിനിമാ പ്രേമികൾ ഏറെ പ്രതീക്ഷയോടെ കാത്തിരിക്കുന്ന ‘കങ്കുവാ’യുടെ റിലീസ് വൈകുമെന്നാണ് റിപ്പോർട്ട്. ഏപ്രിലിൽ റിലീസിന് തയ്യറാടുത്തിരുന്ന ചിത്രത്തിന്റെ പ്രദർശനം ഇനിയും വൈകുമെന്നാണ് പുതിയ വിവരം.സിരുത്തൈശിവയുടെ സംവിധാനത്തിൽ ഒരുങ്ങുന്ന കങ്കുവയ്ക്കായി ആകാംക്ഷയോടെ ദിവസങ്ങളെണ്ണിയാണ് ആരാധകരുടെ കാത്തിരിപ്പ്.
ചിത്രത്തിന്റെ ഒരോ അപ്ഡേറ്റുകളും വളരെ ആവേശത്തോടെയാണ് ആരാധകർ ഏറ്റെടുക്കുന്നത്. അതിനിടയാണ് സിനിമാ പ്രേമികളെ നിരാശരാക്കി പ്രദർശനം വൈകുമെന്ന വിവരം പുറത്തു വരുന്നത്. 2024 ഏപ്രിലിന് എത്തുമെന്നായിരുന്നു ആദ്യ റിപ്പോർട്ട്. എന്നാൽ, ഫെബ്രുവരി പകുതിയോടെയെ റിലീസ് ഉണ്ടാകൂ എന്നാണ് പുതിയ വിവരം.
പോസ്റ്റ് പ്രൊഡക്ഷൻ ജോലികൾ ഏപ്രിനുള്ളിൽ തീരില്ല എന്നും റിപ്പോർട്ടുകളുണ്ട്. വിഎഫ്എക്സിന് വലിയ പ്രാധാന്യം നൽകിക്കൊണ്ടുള്ള ചിത്രത്തിലെ സങ്കീർണമായ ചില വിഎഫ്എക്സ് രംഗങ്ങളുടെ ചിത്രീകരണം പൂർത്തിയാകാൻ വൈകുന്നതാണ് റിലീസ് മാറ്റാൻ കാരണം. പത്ത് ഭാഷകളിലാണ് കങ്കുവാ പ്രദർശനത്തിനെത്തുന്നത് . സൂര്യയുടെ സിനിമയ്ക്ക് കിട്ടുന്ന എറ്റവും വലിയ റിലീസായിരിക്കും ചിത്രത്തിന് ലഭിക്കുക. ത്രീഡിയിലടക്കം പുറത്തിറങ്ങുന്ന സിനിമ ഐമാക്സിലടക്കം റിലീസ് ചെയ്യും.