തിരുവനന്തപുരം: തമിഴ്നാട്ടിലെ കനത്ത മഴയിൽ താറുമാറായി ട്രെയിൻ ഗതാഗതം. വിവിധ ട്രെയിനുകളാണ് റെയിൽവേ റദ്ദാക്കിയത്. കോയമ്പത്തൂർ – നാഗർകോവിൽ എക്സ്പ്രസ് റദ്ദാക്കി. തിരുവനന്തപുരം-ട്രിച്ചി സൂപ്പർ ഫാസ്റ്റ് (22628), ട്രിച്ചി-തിരുവനന്തപുരം സൂപ്പർ ഫാസ്റ്റ് (22637), പാലക്കാട് -തിരുനെൽവേലി എക്സ്പ്രസ് (167920) എന്നീ ട്രെയിനുകളാണ് കേരളത്തിൽ നിന്ന് റദ്ദാക്കിയ ട്രെയിനുകൾ.
ഇന്നത്തെ ചെന്നൈ – ഗുരുവായൂർ തിരുച്ചിറപ്പിള്ളിയിലും കൊല്ലം – ചെന്നൈ ഗിണ്ഡിഗലിലും ഗുരുവായൂർ – ചെന്നൈ നാഗർകോവിലിലും പാലക്കാട് – തിരുച്ചിറപ്പള്ളി തെങ്കാശിയിലും യാത്ര അവസാനിപ്പിക്കും. മടക്ക സർവീസ് അവിടെ നിന്നായിരിക്കും.
സർവീസ് സാധാരണനിലയിലാകാൻ ഒരു ദിവസം കൂടി എടുത്തേക്കുമെന്നാണ് വിവരം.
മധുരയിൽ നിന്ന് പുനലൂരിലേക്കുള്ള എക്സ്പ്രസ് നാഗർകോവിലിൽ നിന്നായിരിക്കും തുടങ്ങുക. പുനലൂർ – മധുര സർവീസ് ഇന്ന് വഞ്ചിമണിയാച്ചിയിൽ നിന്ന് തുടങ്ങും. ഇന്നലെ 16 ട്രെയിനുകൾ പാതിവഴിയിൽ സർവ്വീസ് അവസാനിപ്പിച്ചു. ചെന്നൈ – കൊല്ലം അനന്തപുരി പാലക്കാട് വഴിതിരിച്ചുവിട്ടു. കച്ചേഗൗഡ – നാഗർകോവിൽ പാലക്കാട് വഴി തിരുവനന്തപുരത്ത് അവസാനിപ്പിച്ചു. നാഗർകോവിൽ – മുംബൈ തിരുവനന്തപുരം വഴി തിരിച്ചുവിട്ടു.
