തിരുവനന്തപുരം: രണ്ടാം പിണറായി സർക്കാരിലെ രണ്ട് മന്ത്രിമാർ രാജിവച്ചു. ഗതാഗതമന്ത്രി ആന്റണി രാജുവും തുറമുഖ മന്ത്രി അഹമ്മദ് ദേവർ കോവിലുമാണ് രാജി സമർപ്പിച്ചത്. മന്ത്രിസഭാ പുനഃസംഘടനയുടെ ഭാഗമായാണ് തീരുമാനം. ഇരുവർക്കും പകരം കടന്നപ്പള്ളി രാമചന്ദ്രനും കെ.ബി ഗണേഷ്കുമാറും മന്ത്രിസഭയിലെത്തുമെന്നാണ് സൂചന. പുതിയ മന്ത്രിമാരുടെ സത്യപ്രതിജ്ഞ 29ന് നടക്കും. പുതിയ ചുമതല ലഭിക്കുന്നതി സന്തോഷമുണ്ടെന്ന് കടന്നപ്പള്ളി രാമചന്ദ്രൻ പ്രതികരിച്ചു. ഏതു വകുപ്പ് നൽകിയാലും ഉത്തരവാദിത്തത്തോടെ നിർവ്വഹിക്കും. വകുപ്പ് സംബന്ധിച്ച തീരുമാനം മുന്നണിയാണ് കൈക്കൊള്ളുന്നതെന്നും കടന്നപ്പള്ളി പറഞ്ഞു.
