ന്യൂഡൽഹി: കൊറോണ വൈറസിന്റെ വകഭേദമായ ജെഎൻ 1 വൈറസിനെ നേരിടാൻ ഒമിക്രോണിനായി കണ്ടത്തിയ വാക്സിനേഷൻ ഫലപ്രദമാണെന്ന് മുൻ AIIMS ഡയറക്ടറും സീനിയർ പൾമണോളജിസ്റ്റുമായ ഡോ. രൺദീപ് ഗുലേരിയ. നിരവധി കൊറോണ വകഭേദങ്ങൾ വർദ്ധിച്ചു വരുന്ന സാഹചര്യത്തിൽ ഇത്തരം വൈറസുകൾക്കെതിരെ പോരാടാൻ പര്യാപ്തമായ വാക്‌സിനേഷനുകൾ കണ്ടെത്തേണ്ടത് അനിവാര്യമാണ്. എന്നാൽ നിലവിലെ സാഹചര്യത്തിൽ ജെഎൻ1 വൈറസിനെതിരെ പോരാടാൻ ഒമിക്രോണിനായി കണ്ടെത്തിയ വാക്സിനേഷൻ പര്യാപതമാണെന്ന് അദ്ദേഹം പറഞ്ഞു.
” വൈറസുകളിലെ വേരിയന്റുകൾ മാറികൊണ്ടിരിക്കുകയാണ്. വളരെ പെട്ടന്നാണ് ഇവയ്‌ക്ക് പരിവർത്തനം സംഭവിക്കുന്നത്. അതിനാൽ രാജ്യത്തെ ജനങ്ങളുടെ പ്രതിരോധശേഷിയിൽ വന്നിരിക്കുന്ന മാറ്റങ്ങളെ കുറിച്ച് വ്യക്തമായി പഠിക്കേണ്ടതുണ്ട്. ഇതിനനുസരിച്ചാണ് വാക്‌സിനേഷനുകളിൽ മാറ്റം വരുത്തേണ്ടതുണ്ടോയെന്നുള്ള കാര്യങ്ങൾ പരിശോധിക്കുന്നത്. നിലവിലെ സാഹചര്യത്തിൽ ഒമിക്രോണിനായുള്ള വാക്സിനേഷൻ ജെഎൻ 1 ന് ഫലപ്രദമാണ്.”- ഡോ. രൺദീപ് ഗുലേരിയ പറഞ്ഞു.
#WATCH | Delhi: On Covid-19 new variant Jn.1, former AIIMS Director and Senior Pulmonologist Dr Randeep Guleria says, “…We need a vaccine which covers a broader type of the virus. We have had multiple mutations. Jn.1 is sub lineage of Omicron. So a vaccine which is made against… pic.twitter.com/bfbfnWqdX0
— ANI (@ANI) December 24, 2023
കൊറോണ വൈറസിന്റെ ഉപവകഭേദമായ ജെഎൻ 1 ന് പ്രത്യേക ഡോസ് അടങ്ങിയ വാക്‌സിനേഷനുകൾ ആവശ്യമില്ലെന്ന് INSACOG മേധാവി ഡോ. എൻകെ അറോറയും വാർത്താ സമ്മേളനത്തിൽ അറിയിച്ചിരുന്നു. രോഗം പിടിപ്പെടുമ്പോൾ അമിത ഡോസ് അടങ്ങിയ മരുന്നുകൾ കഴിക്കുന്നത് രോഗ പ്രതിരോധശേഷിയെ ബാധിക്കുമെന്നും അതിനാൽ മുൻകരുതലുകൾ സ്വീകരിച്ച് മുന്നോട്ട് പോകണമെന്നും ഡോ. അറോറ പറഞ്ഞിരുന്നു.
