ദൈന്യം ദിന ഭക്ഷണത്തിൽ നമ്മൾ എല്ലാവരും ഉപയോഗിക്കുന്ന ഒന്നാണ് അരി. അമിതമായി കലോറിയാണ് അരിയിലൂടെ ലഭിക്കുക. കൂടാതെ കാർബോഹൈഡ്രേറ്ററുകളും അതിൽ അടങ്ങിയിട്ടുണ്ട്. എന്നാൽ അരികളിൽ വെള്ള, ബ്രൗൺ, ചുവപ്പ് നിറങ്ങളുള്ള അരികളിൽ നിരവധി പോക്ഷക ഗുണങ്ങൾ അടങ്ങിയിട്ടുണ്ട്. ബ്രൗൺ, ചുവപ്പ് അരിയിൽ ഒരേ പോഷണം തന്നെയാണ് അടങ്ങിയിട്ടുള്ളത്. ചുവന്ന അരി സാധാരണയായി തെക്കൻ ടിബറ്റ്, ഭൂട്ടാൻ, ഹിമാലയൻ പർവതനിരകൾ എന്നിവിടങ്ങളിൽ കാണപ്പെടുന്നു. എന്നാൽ ബ്രൗൺ റൈസ് ലോകമെമ്പാടും എളുപ്പത്തിൽ ലഭ്യമാണ്.
ബ്രൗൺ, റെഡ് റൈസ്
വെളുത്ത അരിയേക്കാൾ ആരോഗ്യകരമായ ഒന്നാണ് ബ്രൗൺ, റെഡ് റൈസ്. അരിയിലെ ചുവന്ന നിറം ആന്തോസയാനിൻ എന്ന ആന്റിഓക്സിഡന്റിൽ നിന്നാണ് വരുന്നത്. കടും പർപ്പിൾ ചുവപ്പ് കലർന്ന പച്ചക്കറികളിലും പഴങ്ങളിലും ഇത് ഉൾപ്പെടുന്നുണ്ട്. ആന്തോസയാനിൻ അലർജികൾ കുറയ്ക്കാനും ക്യാൻസർ സാധ്യത തടയാനും ശരീരഭാരം നിയന്ത്രിക്കാനും സഹായിക്കും.
ബ്രൗൺ റൈസിൽ മഗ്നീഷ്യം (43 മില്ലിഗ്രാം) അടങ്ങിയിട്ടുണ്ട്, ഇത് മൈഗ്രെയ്ൻ പ്രശ്നം കുറയ്ക്കുന്നതിനും രക്തസമ്മർദ്ദം കുറയ്ക്കുന്നതിനും ഹൃദയാഘാത സാധ്യത കുറയ്ക്കുന്നതിനും സഹായിക്കും. കൂടാതെ ചുവന്ന അരിയും ബ്രൗൺ അരിയും കാൽസ്യത്തിന്റെ പ്രധാന ഉറവിടമാണ്. ഇത് എല്ലുകളുടെയും പല്ലുകളുടെയും ആരോഗ്യം നിലനിർത്തുന്നതിനും ഓസ്റ്റിയോപൊറോസിസ്, ആർത്രൈറ്റിസ് എന്നിവയുടെ അപകടസാധ്യതകൾ തടയുന്നതിനും സഹായിക്കുന്നു. രണ്ടിലും സെലിനിയം അടങ്ങിയിട്ടുണ്ട്, ഇത് അണുബാധകളിൽ നിന്ന് ശരീരത്തെ സംരക്ഷിക്കുന്നു.
ഈ രണ്ട് അരികളിലും ഫൈബറിന്റെ അളവ് കൂടുതലായതിനാൽ, ദഹനപ്രക്രിയ മന്ദഗതിയിലാകുകയും ദഹനവ്യവസ്ഥയെ ശക്തിപ്പെടുത്തുകയും ചെയ്യുന്നു. രണ്ടും കാർബോഹൈഡ്രേറ്റ് രക്തത്തിലെ പഞ്ചസാരയായി മാറുന്നതിന്റെ വേഗത കുറയ്ക്കാൻ സഹായിക്കുന്നു, കാരണം ഇവ രണ്ടും ഗ്ലൈസെമിക് ലോഡ് കുറവാണ്.
വൈറ്റ് റൈസ്
ലോകമെമ്പാടും ഏറ്റവും കൂടുതൽ ഉപയോഗിക്കുന്നന്ന ഒന്നാണ് ഇത്. എന്നാൽ വെള്ള അരിയുടെ ഉപയോഗം ആരോഗ്യകരമല്ലെന്നും പറയുന്നുണ്ട്. വെള്ള അരിയിൽ പ്രധാനമായും ഉൾപ്പെട്ടിട്ടുള്ളത് അന്നജമാണ്. അരി കൂടുതലായി പ്രോസ്സ് ചെയ്യുന്നത് വഴി തയാമിന്റെ അളവ് കുറയാൻ കാരണമാവും. വെളുത്ത അരിയുടെ ഉപയോഗം പലപ്പോഴും ശരീരത്തിൽ തയാമിൻ കുറയാൻ കാരണമാവും. ഇത് ബെറിബെറി എന്ന അവസ്ഥയിലേക്ക് നയിച്ചേക്കാം. കൂടാതെ അമിതവണ്ണം, പ്രമേഹം തുടങ്ങിയ രോഗങ്ങൾക്കും കാരണമായേക്കാം.
