അഹമ്മദാബാദ് : വൈബ്രന്റ് ഗുജറാത്തിൽ പങ്കെടുക്കാൻ യു.എ.ഇ പ്രസിഡൻറ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഇന്ത്യയിലെത്തി . പ്രധാനമന്ത്രി നരേന്ദ്രമോദിയും , മുഖ്യമന്ത്രി ഭൂപേന്ദ്ര പട്ടേലും യുഎഇ പ്രസിഡന്റിനെ സ്വീകരിക്കാൻ വിമാനത്താവളത്തിലെത്തിയിരുന്നു. ഇന്ത്യയുടെയും യുഎഇയുടെയും പതാകകളുമായി ജയ് ശ്രീറാം, ഭാരത് മാതാ കീ ജയ് മുഴക്കിയാണ് ഗുജറാത്തികൾ വഴിയോരങ്ങളിൽ കാത്തു നിന്നത്.
യുഎഇ പ്രസിഡന്റിനൊപ്പം നരേന്ദ്ര മോദി എയർപോർട്ട് തിരംഗ സർക്കിൾ മുതൽ ഇന്ദിര ബ്രിഡ്ജ് സർക്കിൾ വരെ റോഡ് ഷോ നടത്തും. റോഡ് ഷോ റൂട്ടിൽ വിവിധ സ്വീകരണ കേന്ദ്രങ്ങൾ ഒരുക്കിയിട്ടുണ്ട്. അസമിന്റെ സാംസ്‌കാരിക നൃത്തമായ ബിഹു ഒരു സ്വാഗത സ്ഥലത്ത് അവതരിപ്പിക്കും. മറ്റൊരു സ്വീകരണ കേന്ദ്രത്തിൽ ഗുജറാത്തിന്റെ പരമ്പരാഗത ഭവായ് വസ്ത്രത്തിന്റെ ദൃശ്യവും കാണാം.
പ്രധാനമന്ത്രി നരേന്ദ്ര മോദിയുടെയും യുഎഇ പ്രസിഡന്റിന്റെയും റോഡ് ഷോ എയർപോർട്ട് സർക്കിൾ കേന്ദ്ര ആഭ്യന്തര സഹമന്ത്രി പരിശോധിച്ചു . ആയിരക്കണക്കിന് കുട്ടികളും അധ്യാപകരും പ്രധാനമന്ത്രി മോദിയെ അഭിവാദ്യം ചെയ്യാൻ എത്തിയിട്ടുണ്ട്. പ്രധാനമന്ത്രി നരേന്ദ്ര മോദി, യുഎഇ പ്രസിഡന്റ് എന്നിവരുടെ ബാനറുകളും സ്ഥാപിച്ചിട്ടുണ്ട്.
