മുംബൈയിലെ അടിസ്ഥാന സൗകര്യങ്ങളുടെ വികസനത്തിന് അടൽ സേതു വഴിയൊരുക്കുന്നു; കടൽപ്പാലത്തിന്റെ വീഡിയോ പങ്കുവച്ച് പ്രധാനമന്ത്രി

ന്യൂഡൽഹി: അടൽ സേതു പാലം മുംബൈയിലെ അടിസ്ഥാന സൗകര്യങ്ങളുടെ വികസനത്തിന് വഴിയൊരുക്കുന്നുവെന്ന് പ്രധാനമന്ത്രി നരേന്ദ്രമോദി. അടൽ സേതു കടൽപ്പാലത്തിന്റെ വീഡിയോ പങ്കുവച്ച് കൊണ്ട് പ്രധാനമന്ത്രി എക്സിൽ കുറിച്ചു.

കടൽപ്പാലത്തിലൂടെ നടക്കുന്നതിന്റെയും സുരക്ഷാ ഉദ്യോ​ഗസ്ഥരോടൊപ്പം യാത്ര ചെയ്യുന്നതിന്റെയും ദൃശ്യങ്ങളാണ് പ്രധാനമന്ത്രി പങ്കുവച്ചത്. അടൽ സേതു ഉദ്ഘാടനം ചെയ്തതിൽ അതിയായ സന്തോഷമുണ്ടെന്നും പ്രധാനമന്ത്രി എക്സിൽ കുറിച്ചു.

Atal Setu, a pioneering project that will transform infrastructure in Mumbai! Happy to have inaugurated it yesterday… pic.twitter.com/zC1byGQq5n

— Narendra Modi (@narendramodi) January 13, 2024

കഴിഞ്ഞ ദിവസം അടൽ സേതു കടൽപ്പാലമുൾപ്പെടെ 30,500 കോടിയുടെ വികസന പദ്ധതികളാണ് പ്രധാനമന്ത്രി മഹാരാഷ്‌ട്രയിൽ ഉദ്ഘാടനം ചെയ്തത്. 17,840 കോടി ചിലവിൽ നിർമ്മിച്ച കടൽപ്പാലത്തിന് 22 കിലോമീറ്റർ നീളമാണുള്ളത്. ലോകത്തെ ഏറ്റവും നീളമേറിയ പാലങ്ങളുടെ പട്ടികയിൽ 12-ാം സ്ഥാനത്താണ് അടൽ സേതു. കടൽപ്പാലം യാഥാർത്ഥ്യമായതോടെ രണ്ട് മണിക്കൂർ ദൈർഘ്യമുള്ള യാത്ര 15-20 മിനിറ്റായി ചുരുങ്ങിയിരിക്കുകയാണ്.