മലയാള സിനിമാ പ്രേമികൾ കാത്തിരിക്കുന്ന മോഹൻലാൽ ചിത്രമാണ് മലൈക്കോട്ടൈ വാലിബൻ. ചിത്രത്തിലെ പ്രണയ ഗാനത്തിന്റെ ലിറിക്കൽ വീഡിയോ പുറത്ത് വിട്ടിരിക്കുകയാണ് അണിയറപ്രവർത്തകർ. മധഭര മിഴിയോരം വസന്തത്തിൻ കാലം… എന്ന് തുടങ്ങുന്ന ഗാനരംഗത്തിൽ നടി സുചിത്രയും മോഹൻലാലുമാണുള്ളത്. പ്രശാന്ത് പിള്ളയുടെ സംഗീതത്തിന് വരികൾ എഴുതിയിരിക്കുന്നത് പിഎസ് റഫീക്ക് ആണ്. പ്രീതി പിള്ള ആണ് ഈ മനോഹര പ്രണയഗാനം ആലപിച്ചത്.
ചിത്രത്തിലെ ആദ്യ ഗാനത്തിനും പ്രേക്ഷകർക്കിടയിൽ മികച്ച സ്വീകാര്യതയായിരുന്നു ലഭിച്ചത്. ലിജോ ജോസ് പെല്ലിശ്ശേരി- മോഹൻലാൽ കൂട്ടുകെട്ടിൽ വരുന്ന ചിത്രത്തിന് വലിയ പ്രതീക്ഷയാണ് ആരാധകർക്കിടയിൽ. ചിത്രം ഒട്ടും തന്നെ പ്രേക്ഷകരെ നിരാശപ്പെടുത്തില്ലായെന്ന് ഉറപ്പു നൽകുന്ന രീതിയിലാണ് ചിത്രത്തിന്റെ പുറത്ത് വരുന്ന അപ്‌ഡേറ്റുകളെല്ലാം.
ചിത്രത്തിൽ ബോളിവുഡ് താരം സൊണാലി കുൽക്കർണി, ഹരീഷ് പേരടി, കഥ നന്ദി, മണിക്ഠൻ ആചാരി തുടങ്ങിയവർ അഭിനയിക്കുന്നുണ്ട്. മലൈക്കോട്ടൈ വാലിബന്റെ തിരക്കഥ ഒരുക്കിയിരിക്കുന്നത് പി എസ് റഫീക്കാണ്. ജോൺ ആൻഡ് മേരി ക്രിയേറ്റിവ്‌സ്, സെഞ്ച്വറി ഫിലിംസ്, മാക്‌സ് ലാബ്, സരിഗമ ഇന്ത്യാ ലിമിറ്റഡ് എന്നിവർ ചേർന്നാണ് ചിത്രം നിർമ്മിക്കുന്നത്.
