വളരെ ആസൂത്രണം ചെയ്തിട്ടുള്ള ആക്രമണമാണ് ഗായിക കെ.എസ് ചിത്രയ്ക്ക് നേരെ നടക്കുന്നതെന്ന് നടനും ബിജെപി സംസ്ഥാന ഉപാദ്ധ്യക്ഷൻ ദേവൻ. വലിയ ഒരു സംസ്കാരത്തിന്റെ പുനരുദ്ധാരണമാണ് ശ്രീരാമ ക്ഷേത്രത്തിലൂടെ നടക്കുന്നത്. വീടുകളിൽ പ്രാർത്ഥിക്കണം, വിളക്ക് കത്തിക്കണമെന്നാണ് ചിത്ര പറഞ്ഞത്. അതിനെതിരെയാണ് ചിത്രയ്ക്കെതിരെ ആക്രമണങ്ങളുണ്ടായത്. അത് കണ്ടപ്പോൾ വളരെയധികം വേദന തോന്നിയെന്നും ദേവൻ പ്രതികരിച്ചു.
ഭാരതത്തിന്റെ മഹത്തായ സ്വത്താണ് ചിത്ര. വളരെ നിഷ്കളങ്കമായി അഭിപ്രായം രേഖപ്പെടുത്തിയതിനാണ് ചിത്രയ്ക്ക് നേരെ സൈബർ ആക്രമണം ഉണ്ടായത്. ഇത്തരത്തിൽ ആക്രമണം നടത്തുന്നത് വിഷ ജന്തുക്കളാണ്. ഇവർക്കെതിരെ പ്രതികരിക്കേണ്ടത് എന്റെയും കൂടി ഉത്തരവാദിത്വമാണ്.
രാമക്ഷേത്രം ഈ രാജ്യത്തിന്റെയും ലോകത്തിന്റെയും ഐശ്വര്യമാണ്. അതിനെതിരെ ആക്രമണം നടത്തുന്ന വിഷജന്തുക്കളുടെ അച്ഛനും അമ്മയും ഇന്ത്യക്കാർ ആയിരിക്കില്ല. ഇങ്ങനെ എനിക്ക് പറയേണ്ടി വരുന്നു. ചിത്രയോടുള്ള എതിർപ്പല്ല ഇപ്പോൾ ഉണ്ടായത് ഒരു സംസ്കാരത്തിനെതിരെയാണ് എന്നും ദേവൻ പറഞ്ഞു.