പാകിസ്താൻ ക്രിക്കറ്റ് താരം ഷൊയ്ബ് മാലിക്കിന്റെ പുതിയ വിവാഹക്കാര്യം ഇന്നാണ് പുറത്തുവന്നത്. എന്നാൽ അധികമാർക്കും അറിയാത്തൊരു കാര്യവും കൂടി സോഷ്യൽ മീഡിയയിൽ വീണ്ടും വൈറലായി. ഇത് താരത്തിന്റെ മൂന്നാം വിവാഹമായിരുന്നു. ആയേഷ സിദ്ധിഖി എന്ന ഇന്ത്യക്കാരിയെയാണ് ഷൊയ്ബ് ആദ്യം വിവാഹം ചെയ്തിരുന്നത്. ഹൈദരാബാദുകാരിയായ ഒരു അദ്ധ്യാപികയായിരുന്നു അവർ.
സാനിയയുമായുള്ള വിവാഹ കാര്യം നടക്കാനിരിക്കെയാണ് ആദ്യ വിവാഹത്തിന്റെ കാര്യം പരസ്യമായത്. ആയേഷയുമായുള്ള വിവാഹം റദ്ദാക്കാതെയാണ് താരം രണ്ടാം വിവാഹത്തിന് തയാറായത്. ഇതോടെ ആദ്യ ഭാര്യ പോലീസിൽ വഞ്ചനയ്ക്ക് പരാതി നൽകി. ഇതിന് പിന്നാലെ ഇവരുടെ വിവാഹ വീഡിയോയും തെളിവായി നൽകി. തുടർന്ന് മാലിക് നഷ്ടപരിഹാരമായി 15 കോടി ആയേഷയ്ക്ക് നൽകിയെന്ന് പിന്നീട് വെളിപ്പെടുത്തലുണ്ടായി. ഏപ്രിൽ 2010ലാണ് ഇവർ വിവാഹബന്ധം വേർപ്പെടുത്തുന്നത്.
സാനിയയുമായുള്ള 14 വർഷത്തെ ബന്ധമാണ് വേർപിരിയലിൽ കലാശിച്ചത്. അതേസമയം 2012 മുതലാണ് സന അഭിനയ ജീവിതത്തിന് തുടക്കമിടുന്നത്. പിന്നാലെ ചില ടെലിവിഷൻ പരിപാടികളുടെയും ഭാഗമായ അവർ അഞ്ചിലേറെ ചിത്രങ്ങളിലും അഭിനയിച്ചു. സനയുടെ ആദ്യ ഭർത്താവ് പാക് ഗാനരചയിതാവും ഗായകനുമായ ഉമർ ജെസ്വാളാണ്.
കറാച്ചിയിലെ സ്വകാര്യ ചടങ്ങിൽ 2020 ഓക്ടോബറിലായിരുന്നു വിവാഹം. 2023 മുതൽ ഇവർ വേർപിരിഞ്ഞെങ്കിലും ഷൊയ്ബ് മാലിക്കുമായുള്ള വിവാഹം വരെ ഇരുവരും ഇക്കാര്യം ഔദ്യോഗികമായി പുറത്തു പറഞ്ഞിരുന്നില്ല. ഇപ്പോൾ ഇൻസ്റ്റഗ്രാമിലെ ബയോയും സന ഷൊയ്ബ് മാലിക് എന്നാക്കി മാറ്റിയിട്ടുണ്ട് നടി.
View this post on Instagram
“>
View this post on Instagram