ലക്നൗ: പ്രാണ പ്രതിഷ്ഠ ചടങ്ങിൽ പങ്കെടുക്കാൻ വിദേശത്ത് നിന്ന് വരെ ഭക്തജനപ്രവാഹമാണ്. ദിവസങ്ങൾക്ക് മുൻപ് തന്നെ അയോദ്ധ്യയിലെത്തിയതിന്റെ ആഹ്ലാദത്തിലാണ് ന്യൂയോർക്ക് സ്വദേശി ചൈതന്യ സ്വാമി. ഭഗവാൻ ശ്രീരാമനായി ക്ഷേത്രം നിർമ്മിക്കുന്നുവെന്നും അതിന്റെ പ്രതിഷ്ഠാ ചടങ്ങ് നടക്കുന്നുവെന്ന് അറിഞ്ഞ് എത്തിയതാണെന്ന് അദ്ദേഹം പറഞ്ഞു. ഏറെ മനോഹരമായ സ്ഥലമാണ് അയോദ്ധ്യയെന്നും അദ്ദേഹം കൂട്ടിച്ചേർത്തു.
യൂറോപ്പിൽ നിന്നുള്ള രാമഭക്തനായ പ്രഭുപദ് ജീവൻ ദാസും പ്രാണ പ്രതിഷ്ഠാ ചടങ്ങിന് സാക്ഷ്യം വഹിക്കാൻ അയോദ്ധ്യയുടെ മണ്ണിലെത്തിയിട്ടുണ്ട്. ജനങ്ങളുടെ ജീവിതം മാറ്റിമറിക്കാൻ പോകുന്ന ചടങ്ങാകും ഇതെന്നും മഹത്തരമായ ചടങ്ങിൽ പങ്കുച്ചേരുന്നതിന്റെ സന്തോഷത്തിലാണ് താനെന്നും അദ്ദേഹം പറഞ്ഞു.
പ്രാണ പ്രതിഷ്ഠാ ചടങ്ങിനോടനുബന്ധിച്ച് വിദേശരാജ്യങ്ങളിൽ വിപുലമായ പരിപാടികളും ആഘോഷങ്ങളുമാണ് നടക്കുന്നത്. സിഡ്നിയിലെ ഇന്ത്യൻ സമൂഹം വമ്പൻ കാർ റാലി സംഘടിപ്പിച്ചാണ് സന്തോഷം പങ്കിട്ടത്. 100-ഓളം കാറുകളിലായി ഏകദേശം 5,000-ത്തോളം പേരാണ് റാലിയിൽ പങ്കെടുത്തത്. നേരത്തെ യുഎസിലെ എഡിസണിലും കാർ റാലി സംഘടിപ്പിച്ചിരുന്നു. പ്രാണ പ്രതിഷ്ഠ സമയത്ത് രാമായാണ പാരായണം നടത്തുമെന്ന് മൗറീഷ്യസ് പ്രസിഡന്റ് അറിയിച്ചിട്ടുണ്ട്.
