ശ്രീരാമചന്ദ്ര പ്രഭുവിനെ വരവേൽക്കാൻ അയോദ്ധ്യ തയ്യാർ; പ്രകാശ പൂരിതമായി രാമക്ഷേത്രം; ചിത്രം പങ്കുവെച്ച് വിഎച്ച്പി

അയോദ്ധ്യയിലെ ശ്രീരാമചന്ദ്ര പ്രഭുവിന് ഇന്ന് പ്രാണപ്രതിഷ്ഠ നടക്കാനിരിക്കേ, ആഴ്ചകളായി അയോദ്ധ്യ ആഘോഷ തിമിർപ്പിലാണ്. നാടെങ്ങും ദീപാവലി ആഘോഷങ്ങൾക്ക് സമാനമായ രീതിയിലാണ് ആഘോഷമാക്കുന്നത്. ലക്ഷക്കണക്കിന് രാമജ്യോതികളാണ് ഭക്തല​ക്ഷങ്ങൾ തെളിക്കുന്നത്. ഇരുണ്ട കാലം അവസാനിച്ചെന്ന് അറിയിച്ചു കൊണ്ട് ഇന്നലെ രാമക്ഷേത്രവും പ്രകാശ പൂരിതമായി. കുറ്റിരുട്ടിനെയും മരം കോച്ചുന്ന തണുപ്പിനെയും അവ​ഗണിച്ച് ആയിരങ്ങളാണ് ആഘോഷത്തിൽ പങ്കെടുക്കുന്നത്.

#WATCH | Uttar Pradesh: Glimpses from Ayodhya’s Ram Temple ahead of its Pran Pratishtha ceremony tomorrow.

(Source: Sharad Sharma, media in-charge of Vishwa Hindu Parishad) pic.twitter.com/CUUYdFaLZe

— ANI (@ANI) January 21, 2024

പ്രാണ പ്രതിഷ്ഠയ്‌ക്ക് മുന്നോടിയായി ക്ഷേത്രത്തിന്റെ ചിത്രങ്ങൾ വിശ്വഹിന്ദു പരിഷത്ത് പങ്കുവച്ചിട്ടുണ്ട്. ക്ഷേത്രത്തിന്റെ ഉൾഭാഗം പൂക്കളാൽ അലങ്കരിച്ചിരിക്കുന്നു. ദീപങ്ങളാൽ‌ മനോഹരമായി പ്രകാശിക്കുന്നു. വിശ്വഹിന്ദു പരിഷത്തിന്റെ മീഡിയ ഇൻചാർജ് ശരദ് ശർമയാണ് ചിത്രങ്ങൾ പുറത്തുവിട്ടത്.

#WATCH | UP: Ram Janmabhoomi premises lit up and decorated beautifully ahead of the Ram temple ‘Pran Pratishtha’ ceremony in Ayodhya, tomorrow. pic.twitter.com/KXbmsmOaIK

— ANI (@ANI) January 21, 2024

ഉച്ചയ്‌ക്ക് 12:29:8 മുതൽ 12:30: 32 നാഴിക വരെയുള്ള പവിത്രമായ അഭിജിത്ത് മുഹൂർത്തത്തിലാകും രാംലല്ലയുടെ പ്രാണപ്രതിഷ്ഠ ചടങ്ങ് നടക്കുന്നത്. 84 സെക്കൻഡാണ് പ്രാണ പ്രതിഷ്ഠാ മുഹൂർത്തം. രാജ്യമെമ്പാടും വിപുലമായ ആഘോഷങ്ങളാണ് പ്രാണ പ്രതിഷ്ഠയോടനുബന്ധിച്ച് സംഘടിപ്പിച്ചിരിക്കുന്നത്.