ആരോഗ്യമുള്ളതും തിളക്കമുള്ളതുമായ മുടിയിഴകൾ വേണമെന്ന് ആഗ്രഹിക്കാത്താവരായി ആരുമുണ്ടാവില്ല, അല്ലേ? മുടിയിഴകൾ കരുത്തുള്ളതാവണമെങ്കിൽ കഴിക്കുന്ന ഭക്ഷണങ്ങളിൽ പല കാര്യങ്ങളും ശ്രദ്ധിക്കേണ്ടതുണ്ട്. മാറി വരുന്ന ഭക്ഷണശൈലിയും, കാലാവസ്ഥാ വ്യതിയാനങ്ങളും, മുടിക്ക് വേണ്ട പരിചരണം കൊടുക്കാത്തതും മുടി കൊഴിച്ചിലിനും മുടിപൊട്ടലിനും കാരണമാകുന്നു. മുടിയിഴകളുടെ ആരോഗ്യത്തിനായി ഇനി പറയുന്ന ഭക്ഷണങ്ങൾ കഴിക്കാൻ ശ്രദ്ധിക്കാം..
മുട്ട
ധാരാളം പ്രോട്ടീനുകളുടെയും വിറ്റാമിനുകളുടെയും അമിനോ ആസിഡുകളുടെയും കലവറയാണ് മുട്ട. ദിവസവും ഭക്ഷണത്തിൽ ഒരു പുഴുങ്ങിയ മുട്ട ഉൾപ്പെടുത്തി കഴിക്കുന്നത് മുടിയുടെ ആരോഗ്യം വർദ്ധിപ്പിക്കാൻ സഹായിക്കുന്നു. മുടി പൊട്ടി പോകുന്നത് തടയാനും ഇത് സഹായിക്കുന്നു.
മത്സ്യം
മുടി വളർച്ചയ്‌ക്ക് ഏറെ സഹായിക്കുന്ന മറ്റൊരു ആഹാരമാണ് സാൽമൺ മത്സ്യം. സാൽമണിൽ ഒമേഗ-3, ഫാറ്റി ആസിഡ്, വിറ്റാമിൻ ഡി തുടങ്ങി മുടിയുടെ സംരക്ഷണത്തിനാവശ്യമായ ഘടകങ്ങൾ അടങ്ങിയിരിക്കുന്നു. ഇത് ഗ്രിൽ ചെയ്തും അധികം എണ്ണ ഉപയോഗിക്കാതെ പാചകം ചെയ്തു കഴിക്കുന്നതും മുടിയുടെ വളർച്ച വർദ്ധിപ്പിക്കാൻ സഹായിക്കുന്നു.
മധുരക്കിഴങ്ങ്
വിറ്റാമിൻ എ ധാരാളം അടങ്ങിയിട്ടുള്ള ഭക്ഷ്യ വസ്തുവാണ് മധുരക്കിഴങ്ങ്. വിറ്റാമിൻ എ മുടി വരണ്ടതാക്കുന്നത് തടഞ്ഞു നിർത്തി മുടിയിഴകളെ മൃദുവാക്കാൻ സഹായിക്കുന്നു.
പയറുവർഗങ്ങൾ
ബദാം, വാൾനട്ട്‌സ്, ചിയ സീഡ്‌സ്, മറ്റു പയറുവർഗങ്ങൾ തുടങ്ങിയവ കഴിക്കുന്നത് മുടിയിഴകൾക്ക് കരുത്ത് നൽകി പൊട്ടി പോകുന്നത് തടയുന്നു. ദിവസവും രാവിലെ ബദാം വെള്ളത്തിൽ കുതിർത്ത് കഴിക്കുന്നത് തലമുടിയുടെ വളർച്ചയ്‌ക്ക് സഹായകമാണ്.
