ബിജ്‌നോർ ; ജയിലിൽ കഴിയുന്ന മകന് സമ്മാനമായി ഹാഷിഷുമായെത്തിയ അമ്മ അറസ്റ്റിൽ . ഉത്തർപ്രദേശിലെ ബിജ്‌നോർ ജയിലിൽ കഴിയുന്ന മകനും , ഗുണ്ടാത്തലവനുമായ സാവേജിന് നൽകാനാണ് മയക്കുമരുന്നുമായി അമ്മ അമീർ ഫാത്തിമ എത്തിയത് .
ശനിയാഴ്ച ഉച്ചയ്‌ക്കാണ് മകനെ കാണാൻ യുവതി ജില്ലാ ജയിലിൽ എത്തിയത്. തടവുകാരെ കാണാനെത്തിയ സ്ത്രീകളെ വനിതാ പോലീസ് തിരച്ചിൽ നടത്തുകയായിരുന്നു. പരിശോധനയ്‌ക്കിടെ വനിതാ പോലീസുകാർ അമീർ ഫാത്തിമയുടെ ഷൂ അഴിച്ചപ്പോൾ അതിൽ ഹാഷിഷ് കണ്ടെത്തി.
ഇതിന് പിന്നാലെ വനിതാ പോലീസുകാർ ഇക്കാര്യം മേലുദ്യോഗസ്ഥരെ അറിയിച്ചു. ചെരുപ്പിൽ നിന്ന് കണ്ടെടുത്ത സാധനം ഉന്നത ഉദ്യോഗസ്ഥർ പരിശോധിച്ചപ്പോൾ പാക്കറ്റിൽ 10 ഗ്രാമോളം ഹാഷിഷ് ഉണ്ടെന്ന് കണ്ടെത്തി. തരികമ്പൂർ സ്വദേശി സാഹിദ് ഹുസൈനിയുടെ ഭാര്യയാണ് അമീർ ഫാത്തിമ. തന്റെ മകൻ സാവേജ് കഴിഞ്ഞ ഒരു വർഷമായി ജയിലിലാണെന്നും മയക്കുമരുന്നിന് അടിമയാണെന്നും ഫാത്തിമ ചോദ്യം ചെയ്യലിൽ പറഞ്ഞു. അതുകൊണ്ടാണ് മകന് വേണ്ടി ചരസ് കൊണ്ടുവന്നത്.
അമീർ ഫാത്തിമയുടെ മകൻ സാവേജിനെതിരെ കൊലപാതകം, കവർച്ച, കൊലപാതകം, മോഷണം തുടങ്ങി ഏഴ് കേസുകളാണ് രജിസ്റ്റർ ചെയ്തിരിക്കുന്നത്.
