മുംബൈ: ചലച്ചിത്രതാരവും മുൻ എം.പിയുമായ സുരേഷ് ഗോപിയുടെ ജനസമ്പർക്ക പരിപാടി ‘എസ്.ജി കോഫി ടൈംസ് – ഹൃദയപൂർവ്വം സുരേഷ് ഗോപി’ മുംബൈയിലും പൂനയിലും സംഘടിപ്പിക്കുന്നു. മാർച്ചിലാണ് പരിപാടി. ബിജെപി മഹാരാഷ്ട്ര കേരള സെല്ലിന്റെ ആഭിമുഖ്യത്തിലാണ് പരിപാടി സംഘടിപ്പിക്കുന്നത്.
തൃശൂർ ലോക്സഭാ മണ്ഡലത്തിൽ സുരേഷ് ഗോപിയുടെയും മഹാരാഷ്ട്രയിൽ മലയാളി വോട്ടർമാർക്ക് നിർണ്ണായക സ്വാധീനമുള്ള മണ്ഡലങ്ങളിൽ എൻഡിഎ സ്ഥാനാർത്ഥികളുടെയും വിജയത്തിന് വേണ്ടിയാണ് ഈ പരിപാടി സംഘടിപ്പിക്കുന്നതെന്ന് കേരള സെൽ സംസ്ഥാന അദ്ധ്യക്ഷൻ കെ.ബി ഉത്തംകുമാർ പറഞ്ഞു.
തൃശൂരിലെ വിവിധ ഭാഗങ്ങളിൽ സംഘടിപ്പിച്ച പൊതുജനങ്ങളുടെ പ്രശ്നങ്ങൾ അറിയുവാനും അവയ്ക്കുള്ള പരിഹാര മാർഗ്ഗങ്ങൾ കണ്ടെത്താനുമുള്ള ജനസമ്പർക്ക പരിപാടിയാണ് എസ്.ജി കോഫി ടൈംസ്. തൃശൂരിൽ സംഘടിപ്പിച്ച പരിപാടികളിൽ വിവിധ വിഷയങ്ങളിൽ പരിഹാരങ്ങൾ കണ്ടെത്തിയ പരിപാടിയെ മഹാരാഷ്ട്രയിലെ പ്രവാസി മലയാളികൾ വളരെ പ്രതീക്ഷയോടെയാണ് നോക്കിക്കാണുന്നത്.
കൂടുതൽ വിവരങ്ങൾക്ക് 9323528197