ന്യൂഡൽഹി: എയർ ഇന്ത്യയുടെ പുതിയ സുരക്ഷാ വീഡിയോ പുറത്തിറക്കി. ഇന്ത്യയിലെ വിവിധ നൃത്ത കലാരൂപങ്ങൾ കോർത്തിണക്കിയാണ് എയർ ഇന്ത്യ സുരക്ഷാ വീഡിയോ പുറത്തിറക്കിയത്. സീറ്റ് ബെൽറ്റ് ഇടുന്നത് മുതൽ വിമാനത്തിനുള്ളിൽ പാലിക്കേണ്ട നിബന്ധനകൾ വരെ ഉൾപ്പെടുത്തിയാണ് വീഡിയോ പങ്കുവച്ചിരിക്കുന്നത്.
ഇന്ത്യയിലെ പ്രധാനപ്പെട്ട എല്ലാ നൃത്ത കലാരൂപങ്ങളെയും വീഡിയോയിൽ കാണാം. വിമാനത്തിനുള്ളിൽ പാലിക്കേണ്ടതും ഒഴിവാക്കേണ്ടതുമായ നിർദ്ദേശങ്ങൾ നൃത്തത്തിലൂടെ വിവരിക്കുന്നതാണ് വീഡിയോ. ഭരതനാട്യം, ഒഡീസി, കഥകളി, മോഹിനിയാട്ടം, കഥക്, ഘൂമർ, ബിഹു, ഗിദ്ദ എന്നീ നൃത്ത രൂപങ്ങളിലൂടെയാണ് സുരക്ഷാ നിർദ്ദേശങ്ങൾ വിവരിക്കുന്നത്.
For centuries, Indian classical dance and folk-art forms have served as medium of storytelling and instruction. Today, they tell another story, that of inflight safety.
Presenting Air India’s new Safety Film, inspired by the rich and diverse dance traditions of India.#FlyAI… pic.twitter.com/b7ULTRuX1Z
— Air India (@airindia) February 23, 2024
ഭാരതത്തിന്റെ സമ്പന്നവും വൈവിധ്യവുമായ നൃത്ത പാരമ്പര്യങ്ങളിൽ നിന്ന് പ്രചോദനം ഉൾക്കൊണ്ടാണ് ഇത്തരത്തിൽ ഒരു വീഡിയോ ഒരുക്കിയതെന്ന് എയർ ഇന്ത്യ അറിയിച്ചു. ശങ്കർ മഹാദേവനാണ് വീഡിയോയുടെ സംഗീതം നിർവഹിച്ചിരിക്കുന്നത്. ലോകമെമ്പാടുമുള്ള സഞ്ചാരികൾക്ക് ഇന്ത്യയുടെ സാംസ്കാരിക പൈതൃകം വരച്ചുകാണിക്കാനാണ് വീഡിയോ തയ്യാറാക്കിയതെന്ന് എയർ ഇന്ത്യ സിഇഒ കാംബെൽ വിൽസൺ പറഞ്ഞു.